კადიროვი და კანდელაკი ხაბიბს პრაქტიკულად ეხვეწებიან, დაბრუნდიო - საუბარი კოლოსალურ თანხებზეა

12 მაისს, საღამოს, ჩეჩნეთის რესპუბლიკის ლიდერი რამზან კადიროვი საკუთარ "ინსტაგრამის" გვერდზე პირდაპირ ეთერში გავიდა. რამზანმა ხაბიბ ნურმაგომედოვზე მოულოდნელად რიტორიკულად დაიწყო საუბარი. ის დაინტერესდა, დაარღვევდა თუ არა UFC-ის ყოფილი ჩემპიონი პირობას და შეებრძოლებოდა თუ არა ახმატის მებრძოლებს ნებისმიერი თანხის სანაცვლოდ. 

რამზანმა ნურმაგომედოვს კონორ მაკგრეგორის დამარცხების შემდეგ W222 სერიის "მერსედესი" აჩუქა. 



"ეს საჩუქარი ხაბიბმა მისი ძმისგან, რამზან კადიროვისგან მას შემდეგ მიიღო, რაც UFC-ის ახალი ჩემპიონი გახდა". 

1 წლის შემდეგ, 2019 წელს, კადიროვმა ხაბიბის მამას, აბდულმანაპ ნურმაგომედოვს, საჩუქრად უახლესი ML უბოძა. 



"ასეთი საჩუქარი მამას ჩეჩნეთიდან გამოუგზავნეს. დიდი მადლობა, ჩემო ძმაო, არა მხოლოდ საჩუქრებისთვის, არამედ იმ ყურადღებისთვის, რომელსაც არა მარტო მამაჩემსა და მე მცემ, არამედ ზოგადად დაღესტნელ ოჯახებს მიაგებ. კარგად ვიცი, როგორი ძმური დამოკიდებულება გაქვს შენს დაღესტნელ ძმებთან. კიდევ დიდხანს გეცოცხლოს, რათა განაგრძო ჩეჩენ ხალხზე ზრუნვა. გისურვებთ ჯანმრთელობას მთელ თქვენს ოჯახს" - წერს ხაბიბი.

ახლა კადიროვი ნურმაგომედოვს ნებისმიერ საფასურს სთავაზობს, თუ ის ახმატში იბრძოლებს. 12 მაისს გასულ "ინსტაგრამის" პირდაპირ ეთერში რამზანმა დაღესტნელ ყოფილ ჩემპიონს რამდენიმე სერიოზული "დარტყმა" მიაყენა. 

"UFC-სთან ხაბიბმა ურთიერთობა 100%-ით გაწყვიტა. საინტერესოა, ის ახმატთანაც თუ გაწყვეტს კავშირს, ეს ჯერ კიდევ კითხვის ნიშნის ქვეშაა. მე მზად ვარ მას ნებისმიერი მებრძოლი დავუყენო, ასევე, შევთავაზო მას ნებისმიერი ოდენობის თანხა. თუ ხაბიბი ახმატში წარდგება, მე მას მის მიერ მოთხოვნილ თანხას გადავუხდი.

ამრიგად, ეს ზედმეტია, UFC-ში მან ყველა გაანადგურა, ჩვენ ახლა მას ახალ გამოწვევას ვთავაზობთ. მე მზად ვარ მას UFC-ზე ბევრად მეტი გადავუხადო, როგორც ჩვენი თანაგუნდელობისთვის. ვნახოთ, თუ ვინ გაიმარჯვებს.

დიახ, ხაბიბი კარგი სპორტსმენია, თუმცა ის 100%-ით UFC პროექტია. მას ძალიან კარგი ურთიერთობა ჰქონდა დანა ვაითთან. თუ ვინმეს UFC-ში ბრძოლა აღარ მოუნდება, მას რეიტინგიდან იღებენ, თუმცა ხაბიბი ამ სიიდან არ ამოუღიათ. არასდროს მინახავს, ხაბიბი რუსული ან დაღესტნური დროშით წარმდგარიყო. ის ჩემპიონი გახდა, შეცდომებს კი არ უშვებდა. ფაქტი ერთია, ის UFC-ის პროექტია. ვფიქრობ, ის ამაში დამეთანხმება. რა თქმა უნდა, მე იმას არ ვამბობ, რომ ნურმაგომედოვი ჩემპიონი არ ყოფილა, მან ყველა დაამარცხა, ის გასაოცრად იბრძოდა, სწორად, ჭკვიანურად და ზომიერი სისწრაფით. თუმცა, თუ მას UFC-ში უნდა ყოფნა, მათ ჩემპიონის ამოგდება შეუძლიათ. ადამიანი, რომელსაც ორგანიზაციაში არ უბრძოლია, გამოვა და ჩემპიონებს დაუპირისპირდებიან" - განაცხადა რამზანმა.



Match TV-ის გენერალური პროდიუსერი თინა კანდელაკი ამ ყველაფერს სწრაფადვე გამოეხმაურა: 

"კარგი სიახლეა, რამზან ახმატოვიჩ. ჩვენ მოხარულნი ვიქნებით, თუ შემოგთავაზებთ Match TV-ის პლატფორმას, თუ ხაბიბ ნურმაგომედოვი და თქვენი კლუბის მებრძოლი ერთმანეთს დაუპირისპირდებიან. ჩათვალეთ, ჩვენ საქმეში ვართ" - წერს კანდელაკი. 

ლაივში ასევე UFC-ის პროსპექტი ხამზატ ჩიმაევი ჩაერთო, რომელიც შვედი მებრძოლია ჩეჩნური წარმომავლობით და ახლა შვედეთიდან ისევ გროზნოში დაბრუნდა.

"ჩვენ მას გავგლეჯთ, თუ მას ეს მოუნდება" - დაწერა ჩიმაევმა.

საინტერესოა, რომ ხამზატი კადიროვის პირდაპირი ეთერის შემდეგი თემა გახდა:

"დაინახეთ, როგორ ამოიღეს ხამზატ ჩიმაევი რეიტინგიდან? ის თავს ცუდად გრძნობდა, ერთი ორთაბრძოლა გამოტოვა და მაშინვე რეიტინგიდან ამოაგდეს, თუმცა უმალვე აღადგინეს. UFC-ისთვის ხამზატი საინტერესო მებრძოლია. მას გასაოცარი ათლეტური მონაცემები აქვს. პიროვნება, რომელიც მზადაა ნებისმიერ წონაში სხვადასხვა მებრძოლს დაუპირისპირდეს, რა თქმა უნდა, მისი მსგავსი ამ ორგანიზაციაში არავინ არის. 

ხამზატმა საჩემპიონო ქამარი რამდენჯერმე უნდა მოიგოს. თუ ყოვლისშემძლეობა ფასდება, მაშინ ის ამას იმსახურებს. მებრძოლებს, რომლებმაც ჩემპიონობა დაუმარცხებლად მოიპოვეს, წარმატებას ვუსურვებთ. მე ხაბიბს შენზე უკეთ ვიცნობ, თუმცა ის UFC-ის პროექტია და ამ თემაზე ლექციების ჩატარებაც კი შემიძლია" - განაცხადა ჩეჩნეთის ლიდერმა. 

კადიროვი ხაბიბს ნებისმიერ თანხას სთავაზობს, თუ ის ახმატის ორგანიზაციაში გაწევრიანდება, მაგრამ სავარაუდოდ, დაღესტნელი მებრძოლი ამას არ დათანხმდება (თუ ამ ბრძოლას მეგობრული სახელი არ ერქმევა). ფაქტი ერთია, კადიროვის გამოსვლამ სოციალური ქსელი დაიპყრო.

წყარო: sports.ru

სანიმუშო ამბავი - კადიროვის შვილს მაშინ მოაგებინეს, რაც მეტოქემ ცემა დაუწყო [VIDEO]

"ჩემი შვილიც რომ იყოს, ასე უნდა მოხდეს" - რამზან კადიროვმა თავის შვილის სკანდალურ ბრძოლაზე პირველი კომენტარი გააკეთა