მსოფლიოს წლევანდელი ჩემპიონატის აშკარა ლიდერმა "რედ ბულმა" ზედიზედ ორი რბოლის მოგება ვერ შეძლო - ბრიტანეთში მან "ფერარისთან" წააგო, გასულ კვირას გერმანიაში კი ავსტრიულ საჯინიბოზე სწრაფი "მაკლარენი" აღმოჩნდა. სულ კი ბოლო ოთხ რბოლაში "რედ ბული" სამჯერ ვერ მივიდა პირველი ფინიშთან.ამის გამო სეზონის ლიდერის რიგებში მცირე შეშფოთება შეინიშნება. საჯინიბოს შეფი კრისტინ ჰორნერი არასასიამოვნო ნიშანს ხედავს იმაში, რომ ნიურბურგრინგზე ვერც სებასტიან ფეტელმა და ვერც მარკ უებერმა ვერ შეძლეს ლუის ჰემილტონისა და ფერნანდო ალონსოს ტემპისთვის წინააღმდეგობის გაწევა. ჰორნერი არ გამორიცხავს, რომ ჩემპიონატის ტრიუმფალური
"ჩვენ ნებისმიერი ტიპის ტრასაზე კონკურენტუნარიანები ვართ, აქამდე ჩატარებულ ათივე რბოლაში პოული მოვიპოვეთ და ექვსჯერ მივედით პირველი ფინიშთან. გარდა ამისა, ათივე რბოლაში პოდიუმიდან არ ჩამოვსულვართ. ასე რომ, სიტუაცია შორს არის კატასტროფულისგან, - ამბობს ჰორნერი. - მაგრამ გერმანიის გრანპრი ერთგვარი სიგნალი გახდა ჩვენთვის: უფლება არ გვაქვს ერთი წამით მოვდუნდეთ.
ეს ეხება გუნდის ნებისმიერ წევრს. მეტოქეები ფხიზლად არიან, მათ ყოველი რბოლისას პროგრესი აქვთ და უნდა გამოვნახოთ გზა იმისთვის, რომ ძალიან წინ არ გავუშვათ ისინი. წინა რბოლებში ხან "მაკლარენი" და ხან "ფერარი" ძალიან გვირთულებდნენ ცხოვრებას, ახლა ისე გამოვიდა, რომ ორივე გუნდმა ერთ რბოლაში ჩვენზე მაღალი ადგილი დაიკავა. იმედი მაქვს, ეს შემთხვევითობა იყო და კანონზომიერებად არ ჩამოყალიბდება".
ყოველდღიური სპორტული გაზეთი "ლელო"
