მსოფლიოს ორგზის ჩემპიონი ფერნანდო ალონსო ახალი წლის არდადეგებს პორტუგალიის კუნძულ პორტო-სანტოში ატარებს, რომელიც მადეირას კუნძულთან ახლოს მდებარეობს.
თუმცა ერთ დღეს "ფერარის" პილოტის მყუდროება ფოტოგრაფებმა და სხვადასხვა ტელეკომპანიის ჟურნალისტებმა დაარღვიეს, რამაც ესპანელი ავტომრბოლი საშინლად გაანაწყენა.
ადგილობრივი ტელევიზიით გადაცემულ სიუჟეტში ესპანელმა პრესის წარმომადგენლებს თავისი უკამყოფილება გაუზიარა.
"თუ ამ დღეებში ჩემთან მოახლოებულ თუნდაც ერთ კამერას დავინახავ, მაშინვე გავემგზავრები აქედან და ყველას მოვუყვები, რომ პორტო-სანტო - ყველაზე საშინელი ადგილია პლანეტაზე, გასაგებია? - დაიმუქრა ალონსომ - ძალიან გთხოვთ, თავი დამანებეთ".
მიუხედავად ამისა, ერთ-ერთმა პაპარაციმ ფერნანდო გოლფის
ესპანელმა შეამჩნია მისკენ მიშვერილი ფოტოობიექტივი და მაშინვე სასტუმროში დაბრუნდა.
* * *
ამ დღეებში უკმაყოფილებას არა მხოლოდ "ფერარის" ლიდერი, არამედ იტალიური საჯინიბოს პრეზიდენტი ლუკა დე მონტეძემოლოც გამოხატავს. "სკუდერიას" შეფი ძრავებზე ახალ რეგლამენტს აკრიტიკებს, რომელიც 2013 წლიდან შევა ძალაში. ავტოსპორტის საერთაშორისო ფედერაციამ დაადგინა, რომ ახალი ოთხცილინდრიანი ძრავები საწვავის ეკონომიასა და ახალი ტექნოლოგიების შემუშავებას შეუწყობს ხელს, თუმცა მონტეძემოლოს ამ საკითხთან მიმართებაში სხვა აზრი გააჩნია.
"ოთხი ცილინდრი - ეს უკვე ფორმულა 1 აღარ არის. ჩვენ ასეთ ძრავებს სერიულ მანქანებშიც კი არ გამოვიყენებთ, "ავტოსპორტის დედოფლისთვის" კი ეს სქემა მით უმეტეს მიუღებელია. იქნებ მოგვეგვარებინა V6-ზე გადასვლის საკითხი? საწვავზე ხარჯების შემცირების იდეის გამოყენება სხვა ძრავების შემთხვევაშიც იქნებოდა შესაძლებელი", - ამბობს "ფერარის" პრეზიდენტი.
დი მონტეძემოლოს განცხადებით, ის მოკავშირეებს ეძებს და მათთან ერთობლივი ძალისხმევით აპირებს ამ რეგლამენტის გაუქმებას. როგორც ამბობენ, "ფერარის" პოზიციას იზიარებს გერმანული ავტოგიგანტი "მერსედესი".
.
