ამერიკაში საავტომობილო სეზონი დაიტონას ლეგენდარული 24-საათიანი რბოლით გაიხსნა, რომელშიც მონაწილეობა მიიღეს ამერიკული სარბოლო სერიების საუკეთესო წარმომადგენლებმა. რბოლა "ფორდის" ტრიუმფით აღინიშნა. პოდიუმზე ავიდა სამი ეკიპაჟი, რომელთა მანქანები სწორედ "ფორდის" ძრავებით იყო აღჭურვილი.გამარჯვება "მაიკლ შენკს რეისინგის" გუნდმა მოიპოვა, რომლის შემადგენლობაში იყვნენ - ეი ჯეი ალმენდინგერი, ოზ ნეგრი, ჯონ პიუ და ჯასტინ უილსონი. გუნდის მფლობელისთვის - მაიკლ შენკისთვის ეს პირველი მოგებაა დაიტონაზე, რომელსაც მან მე-12 ცდაზე მიაღწია.
რბოლის ერთ-ერთი მთავარი გმირი ეი ჯეი ალმენდინგერი გახდა, რომელმაც ამასწინ ცნობილ საჯინიბოსთან - "პენსკესთან" გააფორმა
რბოლა ჩააგდო ფავორიტმა საჯინიბომ - "ჩიპ გენასი რეისინგმა", რომელმაც ამჯერადაც შეკრიბა ვარსკვლავური შემადგენლობა, მაგრამ ჯეიმი მაკმიურეიმ, ხუან-პაბლო მონტოიამ, სკოტ დიქსონმა და დარიო ფრანკიტიმ ვერ შეძლეს მომავალ გამარჯვებულებთან გამკლავება. ამის მიზეზი, ძირითადად, ტექნიკური პრობლემები იყო.
ყოველდღიური სპორტული გაზეთი "ლელო"
