საქართველოს ეროვნული ჩემპიონატის მესამე ეტაპი დასასრულს უახლოვდება. გლდანში მდებარე ჯემალ ცერცვაძის სახელობის დარბაზში გუშინ ბოლოსწინა ტურის მატჩები გაიმართა და სამივე შეხვედრა საკმაოდ დაძაბული გამოდგა. “ქუთაისმა” თსუ სამი ბურთის სხვაობით, 35:32 დაამარცხა. ქვეყნის მოქმედ ჩემპიონს, სახელმწიფო აგრარული უნივერსიტეტის “თბილისს” დიდი წინააღმდეგობა გაუწია “ბათუმმა”, თუმცა მატჩი მაინც ფავორიტის გამარჯვებით დასრულდა - 29-25. ჩემპიონატში უკონკურსოდ მოასპარეზე აზერბაიჯანის ნაკრებმა კი “ქარიშხალას” მინიმალურად, 28:27 სძლია.
მესამე ეტაპის ბოლო მატჩები დღეს 14 საათიდან დაიწყება.
