გუშინ გლდანში ჯემალ ცერცვაძის სახელობის ხელბურთის სპორტკომპლექსმა საქართველოს ეროვნული ჩემპიონატის V ტურის დარჩენილ სამ შეხვედრას უმასპინძლა. ჩემპიონატის ლიდერმა "თბილისისა" აგრარული უნივერსიტეტის გაერთიანებულმა გუნდმა ამჯერადაც დამაჯერებლად ითამაშა და "ბათუმი" 41:39 დაამარცხა.
თბილისელმა ხელბურთელებმა საერთო ჯამში 24 გამარჯვება და ერთი ფრე მიითვალეს. 31:31 დასრულდა შეხვედრა "ქუთაისსა" და თსუ-ს შორის, ხოლო სტუმარმა აზერბაიჯანის ნაკრებმა "ქარიშხალა" 30:26 ძლია.
გათამაშების ცხრილში მეორე ადგილი და 25 ქულა მოიპოვა "ქუთაისმა", რომელსაც "ქარიშხალა" 5 ქულით ჩამორჩება. სამწუხაროდ, ჩემპიონატის განმავლობაში ცუდად იასპარეზეს "ბათუმმა" და თსუ-მ, შედეგად მე-4 და მე-5
როგორც გახსოვთ, III ტურიდან გორის გუნდი უსახსრობის გამო ჩემპიონატში ვეღარ მონაწილეობდა. რადგან მეზობელ აზერბაიჯანში ეროვნული ჩემოიონატი უკვე დასრულებულია, საქართველოს ხელბურთის ფედერაციამ გორელების ნაცვლად მე-6 გუნდად აზერბაიჯანის ნაკრები გაამწესა. დარჩენილ ტურებში აზერბაიჯანელმა ქართველ ხელბურთელებს ღირსეული წინააღმდეგობა გაუწიეს და ჩემპიონატის მოგების მსურველთ არაერთი ქულაც დააკარგვინეს.
244 გატანილი ბურთით საუკეთესო ბომბარდირი "ბათუმის" ხელბურთელი გოგიტა ნიკურაძე გახდა. აღსანიშნავია, რომ ნიკურაძე მიზეზთა გამო V ტურის შეხვედრებში ვერ მონაწილეობდა.
რევაზ ჭანტურია (სსაუ/თბილისის მწვრთნელი): "ბოლო ტურში ჩვენმა გუნდმა შესუსტებული შემადგენლობით ითამაშა, რადგან ძირითადის 4 მოთამაშე ჯარში გაიწვიეს. გასულ ტურში ტრავმა მიიღო ჩვენმა მეკარემ და ვერც ის გვეხმარებოდა. მოთამაშეთა დანაკლისი თამაშსაც დაეტყო და შეხვედრებს ადვილად ვეღარ ვიგებდით. მეტოქე გუნდები საკმაოდ ძლიერ წინააღმდეგობას გვიწევდნენ. წლეულს საქართველოს ჩემპიონატმა ბევრი კარგი მოთამაშე, არამარტო ჩვენი, არამედ მეტოქე გუნდების შემადგენლობებშიც გამოავლინა".
სსაუ/თბილისი: კიკნაძე, გონჩაროვი, ქარდავა, წითელაშვილი, მაისურაძე, წივწივაძე, ყაველაშვილი, გელაშვილი, გოგეშვილი, თეთრუაშვილი, იობაშვილი, თევზაძე, ელგანდაშვილი, კალანდაძე, მჟავანაძე.
თ მ ფ წ ქ
1. სსაუ/თბილისი 25 24 1 0 49
2. ქუთაისი 25 12 1 12 25
3. ქარიშხალა 25 10 0 15 20
4. ბათუმი 25 7 3 15 17
5. თსუ 25 6 3 16 15
