ევროპის ხელბურთის ფედერაციის ოფისში (ვენა) დღეს გაიმართება 2017 წლის ცხრამეტწლამდელ გოგონათა ევროპის ჩემპიონატის საკვალიფიკაციო ტურნირის წილისყრა. ამ შეჯიბრებაში საქართველოს გოგონათა ნაკრებიც მონაწილეობს. გადამწყვეტ ასპარეზობას გაისად, 27 ივლისიდან 5 აგვისტომდე სლოვენიური ცელიე უმასპინძლებს.
ფინალში პირდაპირ არიან დაშვებული სლოვენია, ასევე, დანია და რუსეთი, როგორც ჩვიდმეტწლამდელთა 2015 წლის ევროპის ჩემპიონატის გამარჯვებული და ფინალისტი. დანარჩენი 13 საგზურისთვის 30 ქვეყნის წარმომადგენლები იბრძოლებენ. შეიქმნება 8 ჯგუფი - ექვსი ოთხგუნდიანი და 2 სამგუნდიანი. პირველი-მეხუთე ჯგუფებიდან ფინალის საგზურებს 2-2 ნაკრები მოიპოვებს, ხოლო VI-VIII ჯგუფებიდან მხოლოდ გამარჯვებული გავა.
საქართველო
I კალათა: უნგრეთი, რუმინეთი, ხორვატია, საფრანგეთი, შვედეთი
II კალათა: გერმანია, ესპანეთი, ნორვეგია, ჰოლანდია, პორტუგალია, სლოვაკეთი, ჩეხეთი, მაკედონია
III კალათა: ბელორუსი, პოლონეთი, თურქეთი, ავსტრია, ფარერები, ფინეთი, საბერძნეთი, ლატვია, ლიტვა, ჩერნოგორია, შვეიცარია
IV კალათა: საქართველო, ისლანდია, მოლდოვა, სერბეთი, უკრაინა, ბელგია
შესარჩევი ტურნირები 2017 წლის 17-19 მარტს გაიმართება. რაც შეეხება მასპინძლობას, იმ ქვეყნებს, რომლებშიც 2015 წლის ევროპის ჩვიდმეტწლამდელთა ჩემპიონატის კვალიფიკაციები გაიმართა (მათ შორის - საქართველო), ეს უფლება ჩამორთმეული აქვთ. ასე რომ, საკვალიფიკაციო ტურნირი მხოლოდ იმ შემთხვევაში ჩატარდება საქართველოში, თუ ჩვენი სამივე მეტოქე მასპინძლობაზე უარს იტყვის.
(იბეჭდება მცირე ცვლილებით)
ყოველდღიური სპორტული გაზეთი "ლელო"
