საწყლოსნო კომპლექს "ოლიმპიკში" 30 მარტს დაიწყება საქართველოს წყალბურთელთა ეროვნული ჩემპიონატი, რომელშიც ექვსი გუნდი იასპარეზებს. შარშანდელ პირველობაში ოთხი მონაწილეობდა. ოქროს მედალი ილიას სახელმწიფო უნივერსიტეტის საწყლოსნო კლუბმა "ლიგამუსმა" მოიპოვა; მეორე ადგილზე "თბილისი" გავიდა; ბრინჯაოს მედალი ერგო "ივერიას", რომელიც 1993-94 წლებში დაბადებულთა საქართველოს ნაკრების წევრებით (მწვრთნელი რევაზ ჩომახიძე) იყო დაკომპლექტებული; მეოთხე ადგილი "ზვიგენებს" ერგო.
წელს ამ კვარტეტს ორი გუნდი დაემატება - "ბათუმი" და საქართველოს ჭაბუკთა ნაკრები (1995 წელს და უფრო გვიან დაბადებულნი), რომელსაც სერბი სპეციალისტი იოვან პოპოვიჩი ავარჯიშებს.
ამას წინათ ჩვენი ბიჭები ნოვი
პოპოვიჩის შეგირდები 6-8 აპრილს "ოლიმპიკის" საცურაო აუზში სახელოვანი წყალბურთელის, ოლიმპიური თამაშების პრიზიორის - ნოდარ გვახარიას თასზე იასპარეზებენ. ეს საერთაშორისო ტურნირი თბილისში მეორედ ჩატარდება. ქართველები თურქებს, ყაზახებსა და ბელარუსებს დაუპირისპირდებიან.
30 მარტს კი ეროვნული ჩემპიონატის პირველ ტურში ითამაშებენ: "ივერია"-"თბილისი", ჭაბუკთა ნაკრები-"ბათუმი", "ზვიგენები"-"ლიგამუსი".
ყოველდღიური სპორტული გაზეთი "ლელო"
