6 თებერვალს თბილისში საქართველოს წყალბურთელთა ნაკრები ევროპის 2016 წლის ჩემპიონატის შესარჩევი ეტაპის პირველ მატჩს გამართავს.ჩვენი ნაკრები A ჯგუფში სლოვაკეთთან, პორტუგალიასა და შვეიცარიასთან ერთად ასპარეზობს.
საქართველოს ნაკრები პირველ შეხვედრას სლოვაკეთთან "ოლიმპიკის" აუზზე, 18:45 საათზე გამართავს. მატჩზე დასწრება უფასოა.
შეგახსენებთ, რომ A ჯგუფის შეხვედრებს თბილისი მასპინძლობს.
6 თებერვალი
პორტუგალია-შვეიცარია, საქართველო-სლოვაკეთი.
7 თებერვალი
სლოვაკეთი-პორტუგალია, საქართველო-შვეიცარია.
8 თებერვალი
შვეიცარია-სლოვაკეთი, საქართველო-პორტუგალია.
B ჯგუფი (მასპინძელი - პოლონეთი): რუსეთი, უკრაინა, ისრაელი, პოლონეთი.
C ჯგუფი (ჰოლანდია): საფრანგეთი, მალტა, ჰოლანდია, ლატვია.
D ჯგუფი (თურქეთი): გერმანია, თურქეთი, ბელორუსი, ლიტვა.
რომელი გუნდი სად მოხვდება, ეს პირველი შესარჩევი ტურნირის დამთავრების შემდეგ გაირკვევა. თბილისის ჯგუფში ფავორიტებად მასპინძლებსა და სლოვაკებს მიიჩნევენ.
საქართველოს ნაკრები ასეთი შემადგენლობით ითამაშებს: ივან სტრუიჩი, ბექა ქავთარაძე, დამირ ცრეპულია, მარკო ელეზი, რევაზ იმნაიშვილი, მარკო ელაჩა, გიორგი ხვედელიანი, მიხეილ ბაღათურია, ზურაბ რურუა (კაპიტანი), კონსტანტინე გეგელაშვილი, ხვიჩა ჯახაია, ანდრია ბითაძე, ნიკოლოზ შუბლაძე; მწვრთნელები - იოვან პოპოვიჩი, ვლადიმერ ისელიძე.
ყოველდღიური სპორტული გაზეთი "ლელო"
