ეკატერინე გორგოძემ გერმანიის ქალაქ ჰეჩინგენის 25-ათასიან საერთაშორისო ტურნირში ასპარეზობა დაასრულა. როგორც გაუწყეთ, ქართველმა ჩოგბურთელმა საკვალიფიკაციო ეტაპზე ორი შეხვედრა მოიგო, მაგრამ ძირითადი ბადის პირველი ბარიერი მისთვის დაუძლეველი აღმოჩნდა.მართალია, ჩვენებურმა მე-6 ნომრად განთესილ ფრანგს - ოდრი ბერგოტს პირველი სეტი იოლად მოუგო - 6:2, თუმცა მეორე ორი ხელი თავადაც თითქმის უბრძოლველად დათმო - 1:6, 2:6 და შეჯიბრებას გამოეთიშა. გორგოძემ პირველივე რაუნდში დაამთავრა ასპარეზობა წყვილთა თანრიგშიც - ჰოლანდიელ ვანდერ მიიტთან ერთად ელიზ თამელა (ჰოლანდია) და სკარლეტ ვერნერის (გერმანია) დუეტთან 4:6, 3:6 წააგო.
ყოველდღიური
