ლეილა მესხის ჩოგბურთის აკადემიის კორტებზე დასასრულს უახლოვდება ჩოგბურთელ ქალთა საერთაშორისო ტურნირი "ბათუმის ნავთობტერმინალის" თასზე (საპრიზო ფონდი 25 000 $). ქართველთაგან ერთეულთა ტურნირს, როგორც გაუწყეთ, მხოლოდ სოფიო ქვაცაბაია იყო შემორჩენილი. გუშინ იგი უნგრელ რეკა-ლუკა იანისთან (ტურნირზე რეიტინგით მეოთხეა) შეხვედრისას პირველ სეტში 4:0 დაწინაურდა, მაგრამ ამ დროს ტრავმა მიიღო და შეჯიბრების გაგრძელება ვერ შეძლო (სამწუხაროდ, იგი თელავშიც ვერ იასპარეზებს).
მადიარი ჩოგბურთელი ნახევარფინალში მე-2 ნომრად განთესილ რუმინელ ელენა ბოგდანს ეთამაშება, რომელმაც გუშინ თანამემამულე იონა-რალუკა ოლარუ დაამარცხა - 6:1, 6:2. ასპარეზობის რეიტინგფავორიტმა ლესია ცურენკომ
სოფიოს ტრავმის გამო ვერ დასრულდა ქვაცაბაია-პეხოვას (ბელარუსი) და ბოგდან (რუმინეთი)-კოჩ-ბენვენუტოს (ჩილე) ორთაბრძოლა. კარპატელისა და სამხრეთამერიკელის დუეტი დღეს ნახევარფინალში ოლარუ (რუმინეთი)-ცურენკოს წყვილს გაუწევს მეტოქეობას. გამარჯვებულს ფინალში ელოდებიან ბურიაჩოკი (უკრაინა) და იანი (უნგრეთი), რომლებმაც იანჩუკსა და ზანევსკას (ორივე - უკრაინა) აჯობეს - 2:6, 6:4, 10:3.
ყოველდღიური სპორტული გაზეთი "ლელო"
