თურქეთის დედაქალაქ ანკარაში გრძელდება ჩოგბურთელ ქალთა 10 000-იანი საერთაშორისო ტურნირი, რომელშიც ქართველი სპორტსმენებიც მონაწილეობენ. ძირითად ბადეში დაშვებული ნათია გეგია ასპარეზობის სტარტზე მე-5 ნომრად განთესილ ესპანელს - ნურია პარიზას-დიასს დაუპირისპირდა. პირინეელმა პირველ სეტში შედარებით იოლად იმარჯვა - 6:3, მომდევნოებში კი ქართველი ჩოგბურთელის წინააღმდეგობა ვერ დაძლია.
მეორე ხელი დაძაბულად წარიმართა და ჩვენებურმა 7:6 მოიგო. გადამწყვეტ სეტშიც ქართველმა მიაღწია წარმატებას - 7:5 და შემდეგ ეტაპზე გავიდა, სადაც იაპონელი იუუკი ტანაკას მძლეველ იტალიელს - ლინდა მაირს შეხვდება.
უკვე გაუწყეთ, რომ ანკარაშივე წყვილთა პაექრობის პირველ
2 აგვისტოს ისინი პირველ ნომრად განთესილ ლაურა-იონა ანდრეის (რუმინეთი) და ზუზანა ზლოჩოვას (სლოვაკეთი) გაუწევენ მეტოქეობას.
გუშინვე გერმანული ბად საულგაუს 25 000-იანი ქალთა ტურნირის ძირითად ბადეში იასპარეზა სოფიო ქვაცაბაიამ. სამწუხაროდ, ჩვენებური იტალიელ იულია მაირთან ორ სეტში დამარცხდა - 2:6, 3:6 და შეჯიბრებას გამოეთიშა.
ყოველდღიური სპორტული გაზეთი "ლელო"
