გუშინ კიდევ ორი ქართველი სპორტსმენი გამოეთიშა შეჯიბრებას: სოფიო ქვაცაბაიამ (398) ტურნირის მეორე ნომერ მაკა ჩახნაშვილთან (228) წააგო - 5:7, 2:6. ახალგაზრდა ბარბარე ერისთავს სოფიო შაფათავამ (279) აჯობა - 6:1, 6:2. ტურნირის რეიტინგ-ფავორიტმა ოქსანა
ერთეულთა თანრიგის დანარჩენი შეხვედრები ასე დამთავრდა: რეკა-ლუკა იანი (უნგრეთი, 319)-ალიონა სოტნიკოვა (უკრაინა, 480) 6:0, 6:2, ვერონიკა კაპშაი (უკრაინა, 328)-ჟუსტინა ჟეგიოლკა (პოლონეთი, 380) 6:3, 3:6, 6:3, იულია გლუშკო (ისრაელი,350)-ანი ამირაჯიანი (სომხეთი) 6:3, 7:5.
გუშინ ყველაზე გვიან მიქაძემ და შაფათავამ დატოვეს კორტი. წყვილთა პაექრობისას მათ ორ სეტში გლუშკო-გორგოძის დუეტი დაამარცხეს და ნახევარფინალში გავიდნენ, სადაც ქვაცაბაიას და ჩახნაშვილს დაუპირისპირდებიან. ასპარეზობის დამთავრების შემდეგ გამარჯვებულებს გავესაუბრე:
სოფიო შაფათავა: - დღევანდელი ჩემი მეტოქე - 17 წლის ბარბარე ერისთავი პერსპექტიული ჩოგბურთელია. კარგადაც გაისარჯა, მაგრამ, შეიძლება ითქვას, გამოცდილებით ვაჯობე. რაც შეეხება წყვილთა პაექრობას, მე და თათია ხშირად ვმონაწილეობთ ტურნირებში ერთად და შეთამაშებულები ვართ. წლეულს ივნისში უზბეკეთის 25-ათასიანი ასპარეზობა მოვიგეთ წყვილებში, ერთ შეჯიბრებაზე კი ფინალში გავაღწიეთ. ეკა გორგოძე ჩემი მეგობარია და თავიდან მის წინააღმდეგ საბრძოლველად ვერ განვეწყვე. მერე მე და თათია გრძნობებს მოვერიეთ და გავიმარჯვეთ. ნახევარფინალში ქვაცაბაია-ჩახნაშვილის დუეტს შევხვდებით. ერთეულთა თანრიგში კაპშაი მეყოლება მეტოქედ. შარშან ნავთობტერმინალის პირველობის სტარტზე დავამარცხე. სულ ოთხჯერ მაქვს მისთვის მოგებული. ვეცდები, მეხუთედაც გავუცრუო იმედები.
თათია მიქაძე: - ზლოჩოვასთან ორთაბრძოლა თითქმის სამ საათს გაგრძელდა. მართალია, გავიმარჯვე, მაგრამ პაექრობამ ძალიან დამღალა. წყვილთა დუელისას ძლივს ვიდექი ფეხზე. არადა, მეოთხედფინალში ოქსანა კალაშნიკოვას უნდა შევხვდე. შარშან მას აქ ვძლიე და, ცხადია, სარევანშოდ იქნება განწყობილი.
- ამ ტურნირის შემდეგ გეზი საით გიჭირავთ?
ს. შ. - ერთი კვირა თბილისში ვივარჯიშებ, მერე უკრაინაში 25-ათასიან ტურნირზე გამოვალ, იქიდან კი მოსკოვში კრემლის თასზე გავემგზავრები.
თ. მ. - წლევანდელი სეზონი ჩემთვის იღბლიანი გამოდგა: ხარკოვში 25-ათასიანი ტურნირი მოვიგე, ყაზახეთში ფინალამდე მივაღწიე. სხვა შეჯიბრებებშიც მქონდა წარმატებები, რეიტინგშიც საკმაოდ დავწინაურდი. მინდა, ეს ტემპი შევინარჩუნო. თბილისის ტურნირს, ალბათ, მშვიდობიანად ჩავამთავრებ და შემდეგ საფრანგეთს მივაშურებ.
ყოველდღიური სპორტული გაზეთი
"ლელო"
