ქართველი ჩოგბურთელი სოფიო შაფათავა მოსკოვის საერთაშორისო ტურნირში (საპრიზო ფონდი 25.000 დოლარი) მონაწილეობს. 21 თებერვალს წყვილთა პაექრობაში რუს მაია მელნიკოვასთან შეამხანაგებული (ისინი ტურნირზე მესამე ნომრად იყვნენ განთესილნი) მაია კაციტაძისა (რუსეთი) და დარია ლებეშევას (ბელორუსი) დუეტთან სამ სეტში დამარცხდა - 6:4, 3:6, 6:10.
ერთეულთა თანრიგში, როგორც გაუწყეთ, შაფათავა მე-8 ნომერია. სტარტზე ჩვენებურმა კსენია გაიდარჟის (რუსეთი) აჯობა - 6:4, 6:2, მეორე წრეში ანა კოვალს (რუსეთი) დაუპირისპირდება.
ყოველდღიური სპორტული გაზეთი "ლელო"
