როჯერ ფედერერი ყველაზე მდიდარია

საერთაშორისო კონსალტინგურმა კომპანია Wealth-X-მა გამოაქვეყნა მსოფლიოს 10 ყველაზე მდიდარი ჩოგბურთელის სია. თავიანთ კვლევებში სპეციალისტები ითვალისწინებდნენ საპრიზო თანხებს, სპონსორებისგან მიღებულ შემოსავალსა და მოგებას ბიზნეს-საქმიანობისგან.

რეიტინგის ლიდერია "დიდი სლემის" ტურნირების 17-გზის ჩემპიონი, შვეიცარიელი როჯერ ფედერერი.

ყველაზე მდიდარი ჩოგბურთელების საუკეთესო ათეული:

1. როჯერ ფედერერი (შვეიც) - $180 მლნ
2. რაფაელ ნადალი (ესპ) - $120 მლნ
3. მარია შარაპოვა (რუს) - $95 მლნ
4. სერენა უილიამსი (აშშ) - $90 მლნ
5. ვენუს უილიამსი (აშშ) - $60 მლნ
6. ნოვაკ ჯოკოვიჩი (სერ) - $55 მლნ
7. ენდი მარეი (ბრიტ) - $42 მლნ
8. ნა ლი (ჩინ) - $35 მლნ
9. ლეიტონ ჰიუიტი (ავსტრა) - $30 მლნ
9. კაროლინ ვოზნიაცკი (დან) - $30 მლნ

რაფა მონრეალში დაბრუნდება
მსოფლიოს მეოთხე ჩოგანის რაფაელ ნადალის ბიძამ და მწვრთნელმა ტონი ნადალმა გამოაცხადა, რომ მისი შეგირდი კორტზე აგვისტოში, მონრეალის მასტერსზე დაბრუნდება.

"ამჟამად, რაფა მუშაობს ფიზიკურ ფორმაზე და პრაქტიკულად არ თამაშობს ჩოგბურთს. მას გარკვეული შესვენება სჭირდებოდა უიმბლდონის შემდეგ, რადგან, ბოლო თვეებში ძალიან ბევრს თამაშობდა. ახლა, ის წესრიგშია და მზად არის კორტზე მალე დასაბრუნებლად. მისი პირველი ტურნირი იქნება მასტერსი მონრეალში", - ამბობს ტონი ნადალი.

დემენტიევა მწვრთნელობას იწყებს
წარსულში ცნობილი რუსი ჩოგბურთელი ელენა დემენტიევა, რომელმაც 2010 წლის ოქტომბერში დაასრულა მოთამაშის კარიერა, შესაძლოა, WTA-ის ტურს მწვრთნელის რანგში დაუბრუნდეს.

სავარაუდოდ, პეკინის ოლიმპიური თამაშების ჩემპიონის შეგირდი შეიძლება გახდეს მსოფლიოს 56-ე ჩოგანი, კანადელი ეჟენი ბუშარი.

19 წლის ჩოგბურთელმა გასულ წელს, იუნიორთა უიმბლდონი მოიგო, წელს კი ძირითად ტურნირში მესამე წრემდე მიაღწია, როცა მეორე რაუნდში დაამარცხა მსოფლიოს ყოფილი პირველი ჩოგანი ანა ივანოვიჩი.

ყოველდღიური სპორტული გაზეთი "ლელო"

ასევე იხილეთ:
ჩოგბურთი. რეიტინგები: როჯერ ფედერერი TOP4-ის მიღმა