დევისის თასის ფინალში გასვლის შემდეგ მსოფლიოს პირველმა ჩოგანმა ნოვაკ ჯოკოვიჩმა ამ ტურნირის მნიშვნელობაზე ილაპარაკა.როგორც იცით, სერბეთმა კვირას, კანადასთან ურთულესი ნახევარფინალის შემდეგ გაინაღდა ფინალში თამაში. ჯოკოვიჩმა იმ შეხვედრაში ორი ერთეულთა მატჩი მოიგო: პარასკევს დაამარცხა ვაშეკ პოსპიშილი, კვირას - მილოშ რაონიჩი. ორივე მატჩში ნოვაკმა სამ სეტში გაიმარჯვა.
"2010 წელს, დევისის თასზე გამარჯვებამ ჩვენი გუნდის ყველა წევრს უდიდესი პროგრესი მოუტანა მომდევნო სეზონში და ეს კარგად აისახა ATP-ის ტურში გამოსვლისას. ამიტომაც უჭირავს დევისის თასს განსაკუთრებული ადგილი ჩემს გულში. "დიდი სლემის" რამდენიმე ტურნირი მაქვს
ვფიქრობ, კანადასთან მატჩში შესანიშნავად წარმოვაჩინე თავი, იმის გათვალისწინებით, რომ აშშ-ის ღიას შემდეგ კორტის საფარისა და საათობრივი სარტყელის შეცვლა მომიწია. გულშემატკივრების დახმარებამ დამატებითი ძალა მომცა. რაონიჩთან შეხვედრაში ვცდილობდი, ის ხანგრძლივ გათამაშებებში გამომეწვია, რადგან ამ შემთხვევაში თუნდაც გამოცდილების ხარჯზე უპირატესობა მექნებოდა", - ამბობს ჯოკოვიჩი ტურნირის ოფიციალურ ვებგვერდზე.
* * *
ამასობაში ლატვიელმა ერნესტ გულბისმა არცთუ ისე კორექტულად ილაპარაკა მსოფლიოს პირველ ჩოგანზე. ბალტიისპირელმა აღნიშნა, რომ ჯოკოვიჩი ძალიან შეცვალა წარმატებამ. გულბისის აზრით, დიდმა ფულმა და ტიტულებმა გააფუჭეს მსოფლიოს კლასიფიკაციის ლიდერი.
"დიდად არ მომწონს ჯოკოვიჩი, - აცხადებს პრესასთან კომენტარში გულბისი. - მე მას 12 წლის ასაკიდან ვიცნობ. ადრე ნოვაკი ნორმალური ბიჭი იყო, მაგრამ იმ წარმატებებმა, რომლებსაც მან მიაღწია, ძალიან შეცვალა ის. არა, ჩვენ არასოდეს გვიჩხუბია. უბრალოდ, ასეთი ტიპის ადამიანები არ მომწონს. მე მიყვარს ადამიანები ძლიერი ხასიათით, რომლებიც არ იცვლებიან მას შემდეგ, რაც წარმატებას მიაღწევენ ან დიდ ფულს იშოვიან. მაგალითად, მე ვცდილობ, არ შევიცვალო".
ყოველდღიური სპორტული გაზეთი "ლელო"
ასევე იხილეთ:
აშშ-ის ღია პირველობა: ნოვაკ ჯოკოვიჩის 14 ნახევარფინალი
![კარიერაში მეშვიდედ - ნოვაკ ჯოკოვიჩი შემაჯამებელი ტურნირის გამარჯვებულია [VIDEO]](/pictures/image7/45a73f0c790a0838fef86577d003a453.jpg "კარიერაში მეშვიდედ - ნოვაკ ჯოკოვიჩი შემაჯამებელი ტურნირის გამარჯვებულია [VIDEO]")
![სინერმა შემაჯამებელ ტურნირზე ჯოკოვიჩი დაამარცხა და მეორე გამარჯვება მოიპოვა [VIDEO]](/pictures/image7/758a8016aec0c4291eeebae693163907.jpg "სინერმა შემაჯამებელ ტურნირზე ჯოკოვიჩი დაამარცხა და მეორე გამარჯვება მოიპოვა [VIDEO]")
![კარლოს ალკარასი უიმბლდონის ტურნირის გამარჯვებულია [VIDEO]](/pictures/image7/2027c367b6898772cb13ea6df9f9d128.jpg "კარლოს ალკარასი უიმბლდონის ტურნირის გამარჯვებულია [VIDEO]")
