ბათუმში, ჩოგბურთელ ქალთა საერთაშორისო ტურნირზე (საპრიზო ფონდი 25.000 დოლარი) სასტარტო შეხვედრები გაიმართა. ერთეულებში ოთხი ქართველი ჩაება და პირველი წრის შემდეგ ასპარეზობას მხოლოდ ერთი შემორჩა - სოფიო შაფათავა, რომელიც მე-6 ნომრადაა განთესილი.
თბილისელმა სპორტსმენმა კვალიფიკაციიდან აღზევებული გერმანელი ქრისტინა შაკოვეცი დაამარცხა 2 სეტში - 6:3, 6:2 და მეორე წრეში ასევე ალემანს - ანა ცაიას დაუპირისპირდება. ამ უკანასკნელმა 17 სექტემბერს მარგალიტა ჩახნაშვილს აჯობა - 6:4, 7:5.
სოფიო ქვაცაბაიამ მე-5 ნომერ ილონა კრემენთან (უკრაინა) წააგო - 2:6, 3:6, ხოლო ეკატერინე გორგოძე სამსეტიანი პაექრობის შემდეგ
წყვილებში მარგალიტა ჩახნაშვილმა და სოფიო ქვაცაბაიამ სტარტზე მარგარიტა ლაზარევას (რუსეთი) და ლაურა პიკოშის (ბრაზილია) აჯობეს - 6:4, 7:6, სოფიო შაფათავას და ეკატერინე გორგოძის დუეტმა კი მე-4 ნომრად განთესილი ირინა ხრომაჩევას და ეკატერინა იაშინას (ორივე - რუსეთი) ტანდემი ჩამოიშორა გზიდან - 6:3, 6:4.
მეოთხედფინალში ქართველთა წყვილები გაარკვევენ ერთმანეთთან ურთიერთობას.
ტურნირში მონაწილეობდა თამარ ჭალაგანიძისა და ბაბილინა მაჩაიძის დუეტიც, რომელმაც უშანსოდ წააგო მე-3 ნომერ იაპონელებთან - მისა ეგუჩისა და აკიკო ომაესთან - 1:6, 0:6.
მარიამ ბოლქვაძე ამინა ანშბასთან (რუსეთი) ერთად იბრძოდა მეოთხედფინალში გასასვლელად, მაგრამ ალონა ფომინასა (უკრაინა) და ქრისტინა შაკოვეცთან (გერმანია) ვერაფერი გააწყო - 2:6, 2:6.
ანა ტატიშვილი, რომელიც რეიტინგში 227-ე ადგილამდე ჩამოქვეითდა, 18 სექტემბრიდან აბლუკერკის (აშშ) ქალთა საერთაშორისო ტურნირში (საპრიზო ფონდი 75 ათასი დოლარი) ჩაებმება.
სტარტზე იგი მე-4 ნომერ ამერიკელ მარია სანჩესს შეხვდება. წყვილებში ანა და ირინა ფალკონი (აშშ) პირველ ნომრად არიან განთესილნი და შეჯიბრებას ჰსუსა და მელიჩარის (აშშ) გამოცდით დაიწყებენ.
ყოველდღიური სპორტული გაზეთი "ლელო"
