უიმბლდონის ტურნირის საკვალიფიკაციო ეტაპზე ზედიზედ მეორე გამარჯვება იზეიმა 23 წლის თბილისელმა ნიკოლოზ ბასილაშვილმა (რეიტინგით 153-ე), რომელმაც 33 წლის უზბეკი ფარუხ დუსტოვი (194-ე) ორ სეტში დაამარცხა - 6:3, 6:3 და 16 სარეიტინგო ქულაც დაიმსახურა. დღეს, 25 ივნისს, მესამე წრეში ჩვენებური უნგრელ მარტინ ფუჩოვიჩს (165-ე) შეხვდება. ამ უკანასკნელმა გუშინ ბენჯამინ მიტჩელს (ავსტრალია) აჯობა - 6:3, 3:6, 6:2.
ბასილაშვილს ძირითად ბადემდე სწორედ უნგრული ბარიერი აშორებს.
* * *
სტამბოლში ჩოგბურთელ ვაჟთა საერთაშორისო ტურნირი (საპრიზო ფონდი 10.000 დოლარი) წარმატებით დაიწყო მე-6 ნომრად განთესილმა ალექსანდრე მეტრეველმა, მეორე წრეში ქართველი ჩოგბურთელი იაკობ ჰანსენის (აშშ) მძლეველ (6:7, 7:5, 7:5) ანილ იუკსელს (თურქეთი) შეხვდება.
ყოველდღიური სპორტული გაზეთი "ლელო"
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
