საფრანგეთში, ჩოგბურთელ ქალთა 100.000-იანი ტურნირის წყვილთა პაექრობაში თბილისელი ოქსანა კალაშნიკოვა დანკა კოვინიჩთან (ჩერნოგორია) ერთად პირველ ნომრადაა განთესილი და პირველ წრეში ისვენებდა. ქართულ-ჩერნოგორიულმა დუეტმა მეოთხედფინალში მიხაელა ბოევისა (ბელგია) და მიჩელ სიმონსის (სამხრეთი აფრიკა) ტანდემს მოუგო - 6:4, 6:3.
ნახევარფინალში კალაშნიკოვასა და კოვინიჩს მეტოქეობას გაუწევენ ჟანეტ ჰუსაროვა (სლოვაკეთი) და ტერეზა შმიტკოვა (ჩეხეთი), რომლებმაც 9 ივლისს, დაძაბულ ბრძოლაში ანდრეა მიტუ (რუმინეთი) და ელენა ოსტაპენკო (ლატვია) დაამარცხეს - 2:6, 6:2, 10:7.
ყოველდღიური სპორტული გაზეთი "ლელო"
