უცნაური საჩოგბურთო მატჩი გაიმართა ამერიკის ქალაქ პელჰემში, სადაც ჩოგბურთის საერთაშორისო ფედერაციის ტურნირი მიმდინარეობს. მეორე წრეში ერთმანეთს შეხვდნენ ჩოგბურთელები, რომელთა შორის ასაკში სხვაობა 49 (!) წელს შეადგენდა.მსოფლიოს 389-ე ჩოგანმა, 20 წლის ტეილორ თაუნსენდმა 6:0, 6:0 მოუგო 69 წლის გეილ ფალკენბერგს. მატჩი 36 წუთი გრძელდებოდა.
ყველაზე საინტერესო ის არის, რომ ფალკენბერგმა პირველ წრეში 22 წლის როზალინ სმოლი გაანადგურა - 6:0, 6:1!
ფალკენბერგმა პროფესიულ კარეირაში პირველი მატჩი 1986 წელს ჩაატარა. მას უთამაშია ოკლენდის ტურნირის (1987) ძირითად ბადეში, აგრეთვე ავსტრალიის ღია პირველობის (1988)
რაც შეეხება თაუნსენდს, ის თავის დროზე იუნიორთა რეიტინგის ლიდერი იყო, აგრეთვე, კლასიფიკაციის TOP100-ში ირიცხებოდა.
ყოველდღიური სპორტული გაზეთი "ლელო"
