"დიდი სლემის" რიგით მესამე ტურნირის - უიმბლდონის ორგანიზატორებმა განაცხადეს, რომ 2016 წელს, ჩემპიონატის საპრიზო ფონდი შარშანდელზე 5 პროცენტით მაღალი იქნება.შარშან, ერთეულთა თანრიგში გამარჯვებულებმა - ნოვაკ ჯოკოვიჩმა და სერენა უილიამსმა 1.88 მილიონი ფუნტი სტერლინგი მიიღეს.
მატების შემდეგ, მთლიანი საპრიზო ფონდი 28.1 მილიონ ფუნტს გაუტოლდება. ქალთა და მამაკაცთა ტურნირში გამარჯვებულებს - 2 მილიონ ფუნტს არგუნებენ.
აღსანიშნავია, რომ ბოლო ხუთი წლის განმავლობაში, უიმბლდონის საპრიზო ფონდი ორჯერ გაიზარდა. ყველაზე დიდი ზრდა 2013 წელს დაფიქსირდა - 40 პროცენტი.
უიმბლდონის ორგანიზატორებმა ასევე გამოაცხადეს ჩაწყობილი მატჩების
ტურნირის აღმასრულებელი დირექტორის რიჩარდ ლუისის თქმით, დაგეგმილია თანხის გაზრდა დოპინგთან ბრძოლისთვის.
ყოველდღიური სპორტული გაზეთი "ლელო"
