როკ კრიჟაი (სლოვენია)-შოთა მეფარიძე 6:1, 6:2, მერთ ადანალი (თურქეთი)-ალექსანდრე ბაკში 6:1, 6:2, ივა პრიმორაცი (ხორვატია)-ირინე ყარანგოზიშვილი 6:2, 6:1, ალისე კედი (დიდი ბრიტანეთი)-ლიზა ნადიბაიძე 6:1, 6:3, პეტარ კონკიჩი, ოგნიენ სანიევარიჩი (სერბეთი)-ალექსანდრე ბაკში, შოთა მეფარიძე 6:4, 6:2.
16-წლიანებში კარგი სტარტი აიღო ნიკა დოლიძემ, რომელმაც პირველ წრეში ტურნირზე მე-16 ნომრად განთესილ ბერძენ მარკოს კალოველონისს დააყრევინა ფარ-ხმალი _ 6:4, 6:3. სამწუხაროდ, წააგო მე-12 ნომრად განთესილმა მიხეილ ხმიადაშვილმა _ 4:6, 6:7. მას რუსმა მაქსიმ ლუნკინმა აჯობა. ნაადრევად დატოვა სარბიელი ანი გოგვაძემ. იგი ნორვეგიელ ჰედა ოდეგაარდს დანებდა _ 1:6, 5:7. წააგო ბარბარე ერისთავმაც. პირველივე შეხვედრა მან იტალიელ სილვია ალბანოსთან დათმო - 4:6, 3:6. სამაგიეროდ, გოგვაძისა და ერისთავის დუეტმა ოდეგაარდისა და იოანა-ნენა სავას (კვიპროსი) ინტერნაციონალურ წყვილზე იყარა ჯავრი - 3:6, 6:2, 10:5. ვაჟებში მათიას კალომ და ჰერკო პოლანენმა (ფინეთი) დოლიძე და ხმიადაშვილი დაამარცხეს - 6:3, 6:3.
