ქართველი მხედარი, თბილისელი შალვა გაჩეჩილაძე მსოფლიოში იმ 75 უძლიერესს შორის მოხვდა, რომლებიც წლეულს, 24-28 აპრილს გეტებორგში, მსოფლიო თასის გათამაშების ფინალურ ეტაპზე იასპარეზებენ. ეს სასიხარულო ცნობა 10 იანვარს ოფიციალურად მიიღეს ცხენოსნობის საერთაშორისო ფედერაციიდან (ფეი) ჩვენს ეროვნულ ფედერაციაში.
შალვამ რთული გზა გაიარა ფინალამდე. მან არაერთხელ მოიგო კავკასიის ლიგა - თასის ეტაპი და დააგროვა მაღალი სარეიტინგო ქულები, ფეიმ კი იგი მსოფლიოში 2012 წლის ყველაზე მზარდ ახალგაზრდა, პერსპექტიულ მხედრად დაასახელა.
დავძენთ, რომ ჩვენმა სპორტსმენმა პირველად შარშან მოიპოვა მსოფლიო თასის ფინალურ ეტაპზე მონაწილეობის უფლება, მაგრამ
ახლა აპრილამდე დროა და ჩვენი ფედერაცია თადარიგიანად დაიწყებს მზადებას გეტებორგში ცხენ-მხედრის გასამგზავრებლად.
თუ ყველაფერი კარგად წარიმართა, ეს იქნება პირველი შემთხვევა ცხენოსნობისა და, საერთოდ, საქართველოს სპორტის ისტორიაში, როცა ქართველი მხედარი ასეთი მაღალი რანგის შეჯიბრებაში იასპარეზებს.
თორნიკე გაჩეჩილაძე
ყოველდღიური სპორტული გაზეთი "ლელო"
