17 წლის ანა ლომინაძე 30 აგვისტოს დარდანელის სრუტის 5-კილომეტრიანი მონაკვეთის გადაცურვას სამხედრო-საწვრთნელ, "კოლხურ-ლაზურ" სტილში, ხელფეხშეკრული, 1.30 საათში აპირებს. ამ შედეგით ის მსოფლიო რეკორდების წიგნშიც მოხვდება."ამ რეკორდს ჩემს მწვრთნელს, ჰენრი კუპრაშვილს ვუძღვნი. მან ზუსტად 10 წლის წინ დარდანელის სრუტის 12-კილომეტრიანი მონაკვეთი ხელფეხშეკრულმა 3.15 საათში გადაცურა და გინესის წიგნში მოხვდა", - აცხადებს ლომინაძე.
თურქეთში გამგზავრებამდე ანა ლომინაძე სამედიცინო გამოკვლევებს იტარებს, რათა გადაცურვის დროს ჯანმრთელობის პრობლემა არ შეექმნას.
ანა ლომინაძე 1995 წელსაა დაბადებული. ის სპორტული კლუბ "ლაგუნა ვერეს " პროფესიონალი მოცურავე და
ასევე - საქართველოს ჩემპიონი და თბილისის მერიის თასის მფლობელი "ლაზურით" (თავისუფალი კოლხურით) და "ხელფეხშეკრული კოლხურით" ცურვაში.
ვიდეოზე ასახულია ანას ვარჯიში წელზე 5-კილოგრამიანი სარტყელითა და შეკრული ფეხებით (იხილეთ ვიდეო).
