საერთაშორისო ოლიმპიურმა კომიტეტმა ქართველ ძალოსანს, რაულ ცირეკიძეს დოპინგის მოხმარებისთვის 2012 წლის ლონდონის ოლიმპიურ თამაშებზე ნაჩვენები შედეგი გაუუქმა. 85 კგ წონით კატეგორიაში მოასპარეზე ცირეკიძემ მაშინ მე-9 ადგილი დაიკავა. ხელახალმა დოპინგ-კონტროლმა მის სინჯში ტურინაბოლისა და სტანოზოლოლის კვალი აღმოაჩინა, ორივე მედიკამენტი აკრძალულთა კატეგორიაშია.
რაული ცირეკიძე 2012 წლის ევროპის ჩემპიონია. რიო დე ჟანეიროს ოლიმპიადის წინ ის ნაკრებში ირიცხებოდა, თუმცა ბოლო მომენტში ის ახალგაზრდა გიორგი ჩხეიძემ შეცვალა.
