ქართველმა ძალოსანმა რაულ ცირეკიძემ (94) მე-20 ადგილზე დაასრულა გამოსვლა ჰიუსტონში მიმდინარე მსოფლიოს ჩემპიონატზე და გუნდს სალიცენზიო ქულებიც მოუტანა. მან 160 კილოგრამი აიტაცა და 196 აჰკრა, ორჭიდში კი 356 კილოგრამი დაუგროვდა. ჩვენი სპორტსმენი B ჯგუფში გამოდიოდა და ატაცში ასპარეზობა წარუმატებლად დაიწყო. მან თავიდან 160 კილოგრამი შეუკვეთა, თუმცა იგი ვერც პირველ ცდაზე დასძლია და ვერც - მეორეზე, მიზანს მხოლოდ მესამეზე უწია.
აკვრაში ჩვენებურმა უკეთ იასპარეზა. აქ მან გამოსვლა 191-ით დაიწყო და ეს სიმძიმე წარმატებითაც დასძლია. მერე წონა 196-მდე გაზარდა, რაც ისევ შედეგიანად
საკმაოდ კარგად გამოვიდა 18 წლის გიორგი ჩხეიძეც 105 კილოგრამში, სადაც C ჯგუფში გამოდიოდა. მან შეჯიბრება 375 კილოგრამით დაამთავრა (168+207) და ჯგუფში მეორეა, გუნდს კი, მინიმუმ, 2 სარეიტინგო ქულა მოუტანა.
ამავე წონაში გია მაჭავარიანმა 355 ქულით დაასრულა გამოსვლა (165+190).
"ძალიან გაგვახარა ჩხეიძემ. ამ ბიჭს დიდი მომავალი აქვს. ჯერ მხოლოდ 18 წლისაა, თუმცა გამოცდილ სპორტსმენებს აჯობა. ხვალ გადაწყდება ამ წონაში ქულების ბედი. ჩვენი ბოლო 3 სპორტსმენი გამოდის და, სავარაუდოდ, მედლებიც გვექნება", - განაცხადა სამგზის ოლიმპიურმა ჩემპიონმა კახი კახიაშვილმა.
