17 დეკემბერს, ბარბარობის ბრწყინვალე დღესასწაულზე საქართველოს კარატეს ეროვნული ფედერაცია სრულიად საქართველოს კათოლიკოსს, ბიჭვინთისა და ცხუმ-აფხაზეთი მიტროპოლიტს, უწმინდესსა და უნეტარესს, ილია მეორეს შეხვდა. "დღევანდელი დღე ქართული კარატესთვის უმნიშვნელოვანესი იყო - პირველად ქართული კარატეს ისტორიაში უწმინდესმა და უნეტარესმა ჩვენი ეროვნული ნაკრები დალოცა.
ეს დღე პირადად ჩემთვის და ნაკრების თითოეული წევრისთვის მეტად მნიშვნელოვანია და ამის მერე შედეგებს გავაასმაგებთ. საქართველოში გამართულ არაერთ ტურნირში, აგრეთვე ევროპა-მსოფლიო ჩემპიონატებში მიღწეული წარმატებები პატრიარქმა მოიწონა და კიდევ ერთხელ დალოცა ეროვნული ნაკრები, 2012 წელს მეტი წარმატებები და ღვთის წყალობა გვისურვა.
ნუგზარ ჭიაბერაშვილი
ყოველდღიური სპორტული გაზეთი "ლელო"
