თითქმის გადაწყვეტილია ვლადიმერ კლიჩკოსა და დევიდ ჰეის შორის გასამართი საჩემპიონო ბრძოლის ბედი. ტიტულების გამაერთიანებელი ჩხუბი 2 ივლისს ინგლისში ან გერმანიაში გაიმართება. გუშინ WBO-სა და IBF-ის ჩემპიონმა ვლადიმერ კლიჩკომ განაცხადა, რომ ჰეის გუნდთან მოლაპარაკებები ასე შორს არასოდეს წასულა.
უკრაინელის თქმით, ბრძოლაზე კონტრაქტი ჯერ არ გაფორმებულა, მაგრამ ჰეის მხრიდან წინასწარი დასტური უკვე მნიშვნელოვან ნაბიჯად უნდა ჩაითვალოს. უმცროსმა კლიჩკომ ხაზი გაუსვა იმას, რომ ბრძოლა ევროპაში უნდა გაიმართოს, რადგან ორი ევროპელის ჩხუბი ამერიკაში დიდ რეზონასს არ გამოიწვევს.
უკვე ორ წელიწადზე მეტია მიმდინარეობს ჰეის გუნდთან
უმცროსი კლიჩკო დაპირდა გულშემატკივრებს, რომ 2011 წლის ბოლოსთვის სუპერმძიმე წონაში საჩემპიონო ტიტულები მთლიანად კლიჩკოს ოჯახის მფლობელობაში იქნება. ვიტალი WBC-ის ჩემპიონია. უკრაინელების კოლექციაში მხოლოდ WBA-ის ქამარი არ არის, რომელსაც სწორედ ჰეი ფლობს. 30 აპრილს ვლადიმერს კიდევ ერთ ბრიტანელთან - დერეკ ჩისორასთან უწევს შეხვედრა.
რაც შეეხება ჰეის, ის რინგზე ასვლას მაისში აპირებდა და სავარაუდო მეტოქედ რუს ალექსანდრ პოვეტკინს ასახელებდა. ჯერჯერობით უცნობია, რამდენად შეიცვლებს ჰეის გეგმები კლიჩკოს გუნდთან წარმატებული მოლაპარაკებების შემდეგ.
