მოგეხსენებათ, უკრაინელი ძმებიდან უფროსი, ვიტალი კლიჩკო მსოფლიოს ჩემპიონი WBC-ს ვერსიითაა, ხოლო ორი დანარჩენი ძირითადი ასოციაციის – IBF-ისა და WBO-ს ჩემპიონი ვლადიმირია.
ჰეის აზრით, კლიჩკოებთან ბრძოლის შესახებ შეთანხმების მიღწევა პრაქტიკულად შეუძლებელია და მათი ასეთი მიდგომა პროფესიული კრივის ზემძიმე დივიზიონს დიდ ზიანს აყენებს.
"ჩემი აზრით, მათი მეთოდები ჩვენს წონით კატეგორიას აზარალებენ. კლიჩკოების გამო სხვა მოკრივეებიც იჩაგრებიან და მთლიანად
ძმებს, როგორც სპორტსმენებს პატივს ვცემ, მაგრამ მათი ბიზნესმენობა ასეთივე პატივისცემას როდი იმსახურებს. გავა დრო, ხალხი კლიჩკოების ბიზნეს-მეთოდებზე მეტს შეიტყობს და ძმების ავტორიტეტიც საგრძნობლად დაეცემა" – აცხადებს ჰეი.
ვიტალი კლიჩკოს მართლაც გაუჭირდა მომავალი ბრძოლისთვის მეტოქის მოძიება. უკრაინელის თქმით, მასთან შერკინებაზე პოლონელმა ტომაშ ადამეკმა უარი განაცხადა, ხოლო ბრიტანელმა ჰეიმ საერთოდ არაფერი მიპასუხაო.
"დიდი სურვილი კი მქონდა, დევიდ ჰეისთან მეჩხუბა, მაგრამ ბრიტანელმა პასუხი არა და არ მაღირსა. მას ეშინია, იმიტომ რომ იცის – კლიჩკოს დამარცხების მინიმალური შანსი აქვს. ტომაშ ადამეკს ანალოგიური წინადადებით მივმართეთ, მაგრამ პოლონელმა ჩემთან შეხვედრა არ ისურვა. შესაძლოა, შენონ ბრიგსს შევერკინები. მასთან მოლაპარაკებები მიმდინარეობს, მაგრამ გადაწყვეტილი ჯერჯერობით არაფერია", - აღნიშნა ჩემპიონ ძმათაგან უფროსმა, ვიტალი კლიჩკომ.
