სამოყვარულო კრივის საერთაშორისო ფედერაციამ (AIBA) გამოაცხადა, რომ გამოძიებას ჩაატარებს BBC-ის ჟურნალისტების ინფორმაციაზე, რომლის მიხედვითაც აზერბაიჯანის წარმომადგენლებმა 9 მილიონი დოლარი შეიტანეს AIBA-ის ახალი პროექტის - World Series Boxing-ის განვითარებისთვის, სანაცვლოდ კი 2012 წლის ზაფხულის თამაშებზე ორი გარანტირებული ოქროს მედალი მოითხოვეს. საგამომძიებლო კომისიაში ხუთ პიროვნებას შეიყვანენ.ამ ხმაურიან სკანდალს ბაქოშიც გამოეხმაურნენ და ბრიტანელი ჟურნალისტების ბრალდებას აბსურდული უწოდეს.
"მათთვის, ვინც საქმეში ჩახედული არ არის, ვაცხადებ, რომ World Series Boxing-ში საკუთარი გუნდის წარსადგენად ყველა ქვეყანამ უნდა გადაუხადოს AIBA-ს ნახევარი მილიონი დოლარი.
სხვებთან ერთად აზერბაიჯანმაც
თავის მხრივ, AIBA-ის პრეზიდენტმა ჩინგ-კუო ვუმ განაცხადა, რომ მისი ორგანიზაციის სტრუქტურაში კორუპცია შეუძლებელია.
"მინდა იცოდეთ, რა დიდი სამუშაო გავწიეთ იმისთვის, რომ ჩვენს რიგებში წმენდა ჩაგვეტარებინა. ოთხი ვიცე-პრეზიდენტი, გენერალური მდივანი, აღმასკომის ექვსი წევრი - ისინი ყველანი განთავისუფლებული იყვნენ დარღვევების გამო. ნებისმიერი კორუპცია ან მანიპულაცია - აბსოლუტურად დაუშვებელია. გარანტიას ვიძლევი, რომ AIBA, ისევე, როგორც ყველა სხვა საერთაშორისო ფედერაცია, აქტიურად იბრძვის კორუპციის წინააღმდეგ", - განაცხადა სამოყვარულო კრივის საერთაშორისო ფედერაცის პრეზიდენტმა.
ყოველდღიური სპორტული გაზეთი "ლელო"
