კრივის სფეროში მომუშავე ამერიკელ ჟურნალისტთა ასოციაციამ (BWAA) შეაჯამა გამოკითხვის შედეგები, რომელსაც 2011 წლის საუკეთესო მოკრივე უნდა გამოევლინა. გამოკითხვაში პირველი ადგილი 27 წლის ანდრე უორდმა დაიკავა, - წერს ორგანიზაციის ოფიციალური ვებგვერდი.უორდის მთავარი კონკურენტები იყვნენ ფილიპინელები - ნონიტო დონერი და მენი პაკიაო, აგრეთვე ამერიკელი ფლოიდ მეივეზერი. არაფერს იტყობინებიან იმის შესახებ, რა ადგილები დაიკავეს სხვა მოკრივეებმა, თუმცა აზუსტებენ, რომ უორდმა უდიდესი უპირატესობით გაიმარჯვა.
უორდი 76.2-კილოგრამამდე წონით კატეგორიაში ფლობს WBC-ის ტიტულს, გარდა ამისა, WBA-ის ვერსიით "სუპერჩემპიონად" მოიხსენიება.
2011 წელს უორდმა ორი ბრძოლა გამართა.
BWAA-მ წლის მწვრთნელად ვირჯილ ჰანტერი დაასახელა, რომელიც უორდთან მუშაობს. წლის ბრძოლად აღიარეს პოლონელი პაველ ვოლაკისა და დომინიკელი დელვინ როდრიგესის დაპირისპირება, რომელიც ივლისში გაიმართა.
ყოველდღიური სპორტული გაზეთი "ლელო"
