უკრაინელმა მძიმეწონიანმა ვლადიმერ კლიჩკომ თავისი მორიგი საჩემპიონო ბრძოლის თარიღი და ჩატარების ადგილი შეათანხმა ამერიკელ ტონი ტომპსონთან, რომელიც IBF-ის ტიტულის ოფიციალურ პრეტენდენტად მიიჩნევა. შეხვედრა 7 ივლისს შვეიცარიის დედაქალაქ ბერნში გაიმართება.ბრძოლას ბერნის საფეხბურთო მოედანი უმასპინძლებს – ეს არის Stade de Suisse-ის არენა, რომელიც 45 ათას მაყურებელს იტევს.
წინა შვიდი ბრძოლა უმცროსმა კლიჩკომ გერმანიაში გამართა. ბოლო ბრძოლაში, რომელიც 4 მარტს გაიმართა, უკრაინელმა ნოკაუტით დაამარცხა ფრანგი ჟან-მარკ მორმეკი.
ვლადიმერ კლიჩკო და ტონი ტომპსონი ერთხელ უკვე შეხვედრიან ერთმანეთს. ეს მოხდა 2008 წელს ჰამბურგში. უკრაინელმა
ამერიკელი 40 წლისაა. პროფესიულ რინგზე მან 38 ბრძოლა გამართა, რომელთაგანაც 36 მოიგო (24 – ნოკაუტით) და ორჯერ დამარცხდა.
აღნიშნულ ბრძოლაში კლიჩკო ზედიზედ მეთორმეტედ დაიცავს IBF-ის ტიტულს. ESPN-ის ინფორმაციით, გამარჯვების შემთხვევაში ვლადიმერი მორიგ ბრძოლას 2012 წლის 10 ნოემბერს ნიუ იორკში ამერიკელ კრის არეოლას წინააღმდეგ გამართავს.
ყოველდღიური სპორტული გაზეთი "ლელო"
