ბრძოლისწინა ტრადიციულ აწონვაზე უკრაინელი ორნახევარი კილოგრამით მძიმე აღმოჩნდა თავის მეტოქეზე. ბრძოლის წინ მოკრივეები დარწმუნებულნი იყვნენ თავიანთ გამარჯვებაში, თუმცა ვლადიმერი პროგნოზებისას უფრო თავშეკავებული ჩანდა.
საწყისი რაუნდის პირველივე წამებიდან პიტერი წინ წავიდა და უკრაინელი მაშინვე შეეცადა ახლოს არ მიეშვა მოწინაღმდეგე. ნიგერიელი მიხვდა თავისი ჩანაფიქრის უაზრობას და კლინჩში შესვლა დაიწყო, თუმცა ამას უკრაინელის გეგმებისთვის
მეორე რაუნდი პირველის ანალოგიურად დაიწყო. ნიგერიელმა შეუტია, მაგრამ მუდმივად კლიჩკოს მარჯვენა ხელს ეტაკებოდა. ერთმანეთის მიყოლებით ვლადიმერის ჯები მიზანს აღწევდა. რაუნდის შუაში რეფერიმ სამუელის ნოკდაუნი დააფიქსირა, თუმცა "ღამის კოშმარს" (ნიგერიელის მეტსახელი) ყველაფერი წესრიგში ჰქონდა.
პიტერი უკანმოუხედავად გაიქცა წინ და უაზროდ იქნევდა მუშტებს. ასეთ დარტყმებს ვლადიმერი იოლად გაურბოდა. თანაც მიზანს მიაღწია უკრაინელის მარჯვნიდან მორიგმა დარტყმამ და აფრიკელი გონგმა გადაარჩინა.
მესამე რაუნდში პიტერი უფრო აკურატული იყო. გაშვებულმა დარტყმებმა აფრიკელი დაამშვიდა. აშკარად ეტყობოდა, რომ ჩემპიონი კარგ ფორმაში იყო და სავარაუდოდ, ბრძოლის ბედი ნოკაუტით გადაწყდებოდა. რაუნდის ბოლოს ვლადიმერმა დარტყმებს მოუხშირა, პიტერი უძლებდა, თავად კი კვლავ ქაოტურად უტევდა.
მეოთხე რაუნდის დაწყებიდან ერთი წუთის შემდეგ, სამუელს მაგრად მოხვდა თავში და აფრიკელი იძულებული გახდა კლინჩში შესულიყო. პიტერს დიდი გამძლეობა აღმოაჩნდა. ვლადიმერმა იქვე სცადა მარჯვენა ხელით აპერკოტი, ამასთან უკრაინელს დისტანციის დაჭერაც არ ავიწყდებოდა, რადგან პიტერის დარტყმამ მართალია ძალა დაკარგა, მაინც სახიფათო იყო. "კოშმარი" უაზროდ ხარჯავდა ძალებს უმისამართო დარტყმების გამო.
მეხუთე რაუნდის წინ ცხადი გახდა, რომ სამუელი ფიზიკურად ვეღარ უძლებდა და ძალიან მძიმედ სუნთქავდა. გულშემატკივრებს ახსოვდათ, რომ ვლადიმერი მათ ბრძოლის ნაადრევად დასრულებას დაპირდა, ამიტომაც ისინი ყოველ რაუნდში ჩემპიონის გამარჯვებას ელოდნენ. ამისთვის ერთი კარგი დარტყმაც საკმარისი იქნებოდა, მაგრამ პიტერი ასე იოლად დანებებას არ აპირებდა. პრეტენდენტი იგერიებდა დარტყმებს და პირველი შესაძლებლობისთანავე კლინჩში შედიოდა. ერთხელ მარცხენა ლოყაშიც კი მოარტყა უკრაინელს. ასე დასრულდა მორიგი რაუნდი.
მის შემდეგ კლიჩკომ რატომღაც ტემპს უკლო, რამაც ნიგერიელი ოდნავ გამოაფხიზლა. თუმცა მეექვე რაუნდის ბოლოს ვლადიმერმა მარცხენა გვერდითი დარტყმით ზუსტად და ძლიერად მოარტყა მეტოქეს და პიტერი კვლავ გონგმა გადაარჩინა.
მეშვიდე რაუნდში აფრიკელს თითქოს მეორე სუნთქვა გაეხსნა. მან გაუძლო რაუნდის პირველ ნახევარს და შემდეგ რამდენიმე შეტევის განხორციელება სცადა. ცოტა ხანში რეფერის ისევ მოუწია ბრძოლის შეჩერება - მან პრეტენდენტს ხელთათმანის გასწორება მოსთხოვა და ეს პაუზაც აფრიკელის სასარგებლოდ იყო. მიუხედავად ამისა, რაუნდის ბოლო ჩემპიონის კარნახით წარიმართა, რომელსაც მაყურებელიც მხარს უჭერდა. პუბლიკა ბრძოლის ნაადრევად დასრულებას ითხოვდა.
მერვე სამწუთეული დიდად არ განსხვავდებოდა წინა რაუნდებისგან. პიტერი დარტყმებს ატარებდა, ვლადიმერი კი არ ჩქარობდა ორთაბრძოლის დასრულებას, არადა ერთ ეპიზოდში მარჯვენა აპერკოტი იკითხებოდა, თუმცა უკრაინელმა საბოლოო დარტყმა რატომღაც არ შეასრულა. მეცხრე რაუნდში ნიგერიელს კიდევ რამდენჯერმე მოხვდა, მაყურებელმა კი მოიწყინა, რადგან აფრიკელი მიეწება მეტოქეს და აქტიურ ბრძოლაზე საერთოდ აიღო ხელი.
პიტერის წვალებას მეათე რაუნდში მოეღო ბოლო. ვლადიმერმა თავიდანვე გაზარდა დარტყმების ტემპი. ნიგერიელი თითქოს ამჯერადაც უძლებდა, მაგრამ დარტყმების მორიგი სერიის შემდეგ სამუელი რინგზე დაეცა, საიდანაც ადგომა მხოლოდ თავისი სეკუნდანტების დახმარებით მოახერხა.
ლელო
