კალინინგრადში 18 დეკემბერს დასრულდება 19-22 წლის მოკრივეთა ევროპის ჩემპიონატი, სახელწოდებით "ოლიმპიური იმედი", რომელშიც საქართველოს 9 წარმომადგენელი სცდიდა ძალებს. მათგან რინგს ევროპის ჩემპიონატის შარშანდელი მესამეპრიზიორი ზაალ კვაჭატაძე შემორჩა. როგორც გაუწყეთ, მან მეოთხედფინალში ბულგარელი სიმეონ ჩანოვი დაამარცხა და, სულ მცირე, ბრინჯაო განაღდებული ჰქონდა.
ქართველი მოკრივე მიღწეულს არ დასჯერდა - 17 დეკემბერს, ნახევარფინალში, შვიდი ქულით (18:11) ბელორუსი პაველ კოსტრომინი დაამარცხა და ოქროსთვის პაექრობის უფლება მოიპოვა. გადამწყვეტ ორთაბრძოლაში რუს არტიომ ზელენკოვსკის გაუწევს მეტოქეობას.
ყოველდღიური სპორტული გაზეთი "ლელო"
