გერმანელი მოკრივე სებასტიან ცბიკი უბრძოლველად გახდა 72-კილოგრამამდე წონით კატეგორიაში WBC-ის ჩემპიონი. ოქტომბერში ის ამ ტიტულის ოფიციალურ პრეტენდენტად გამოაცხადეს, მაგრამ მსოფლიოს ჩემპიონმა, არგენტინელმა სერხიო მარტინესმა უარი თქვა გერმანელთან ჩხუბზე. ამიტომაც, 18 იანვარს WBC-მა ცბიკი ახალ ჩემპიონად გამოაცხადა.28 წლის სებასტიანს პროფესიულ რინგზე 30 ბრძოლიდან ყველა მოგებული აქვს, მათ შორის ათი ნოკაუტით.
რაც შეეხება მარტინესს, ის 2010 წლის აპრილში, ამერიკელი კელი პავლიკის დამარცხების შემდეგ WBC-სა და WBO-ის ვერსიებით გახდა ჩემპიონი. მოგვიანებით, WBO-მ ეს ტიტული ჩამოართვა, რადგან მარტინესმა ამერიკელ პოლ უილიამსთან ბრძოლა გადაწყვიტა.
აუცილებელ პრეტენდენტ ცბიკთან შეხვედრაზე მარტინესმა უარი განაცხადა და უკრაინელ სერგეი ძინიძირუკთან შეხვედრა გადაწყვიტა. ეს ბრძოლა 12 მარტს გაიმართება.
.
