გასულ უქმეებზე საკრივო სამყაროს ყურადღება ძირითადად მჩატე წონითი კატეგორიებისკენ იყო მიპყრობილი. თავიდანვე უნდა აღინიშნოს, რომ გლობალურ სიუპრიზებს ადგილი არ ჰქონია: ყველაზე მნიშვნელოვანი ბრძოლები ლოგიკური შედეგით დასრულდა.ერთადერთი სიუპრიზი მექსიკის კერეტაროში გამართული ბრძოლის მსვლელობა (და არა შედეგი) აღმოჩნდა. უმჩატეს წონაში WBO-ის ჩემპიონი ხულიო სეზარ მირანდა (35-5-1, 28KO) უცნობ ფილიპინელ არდენ დიალას (14-6-3, 3KO) ხვდებოდა. ბრძოლის წინ თამამად აცხადებდნენ, რომ მოქმედ ჩემპიონს პრობლემა არ უნდა შექმნოდა. რაოდენ დიდი იყო მაყურებლის გაკვირვება, რომ მირანდას გამოეპარა აზიელის შესანიშნავი დარტყმა მარჯვნიდან და რინგზე დაეცა. მექსიკელი
* * *
უქმეების ცენტრალური ბრძოლა გაიმართა ლას ვეგასის "პალმ კაზინოში", სადაც მჩატე წონაში WBA-ის ჩემპიონი მიგელ აკოსტა (28-4, 22KO) და პრეტენდენტი ბრენდონ რიოსი (27-0, 20KO) ხვდებოდნენ ერთმანეთს. მიუხედავად იმისა, რომ შაბათ-კვირას სხვა საჩემპიონო ბრძოლებიც ტარდებოდა, მთავარი ყურადღება სწორედ ამ შეხვედრისკენ იყო მიპყრობილი. პროგნოზი გამართლდა: აკოსტასა და რიოსის ბრძოლას ინტრიგაც ჰქონდა, სანახაობრივი მხარეც, დაძაბულობაც...
შეხვედრის დასაწყისი მთლიანად ჩემპიონს დარჩა. თითქოს ბრძოლის წინ რიოსის ტრაბახი და ბაქიაობა ცარიელ სიტყვებად რჩებოდა, რადგან ამერიკელს თითქმის არაფერი გამოსდიოდა და მუდმივად ატარებდა მეტოქის გვერდით დარტყმებსა და აპერკოტებს.
მაგრამ ბრძოლის შუაში ყველაფერი თავდაყირა დადგა. ბრენდონ რიოსმა გაუძლო სასტარტო ზეწოლას, რის შემდეგაც ვენესუელელი დაიღალა და ტემპს უკლო, პრეტენდენტი კი შეტევაზე გადავიდა. ამერიკელის გააქტიურების ლოგიკურ დასასრულად იქცა ზუსტი მარჯვენა პირდაპირი დარტყმა, რომელმაც ჩემპიონი რინგზე დასცა. მიუხედავად იმისა, რომ აკოსტამ წამოდგომა და ბრძოლის გაგრძელება მოახერხა, ცხადად ჩანდა, რომ ის განადგურებული იყო. მომდევნო რაუნდებში მან
სიტუაციის გამოსწორება სცადა, მაგრამ ისევ გაატარა უძლიერესი დარტყმა და ისევ ნოკდაუნში ჩავარდა.
მეცხრე რაუნდმა შეგვახსენა, რომ ორივე მოკრივე კარგი ნოკაუტერია და ორივეს ბრძოლის ვადაზე ადრე დასრულება სურდა. აკოსტას შემთხვევაში ეს სურვილი გასაგები იყო - ასეთ მდგომარეობაში მას ნოკაუტი თუ უშველიდა, მაგრამ დარტყმების გაცვლისას უფრო ძლიერი პრეტენდენტი იყო. ბრენდონ რიოსმა ჩემპიონი ბაგირებთან მიიმწყვდია, ძლიერი მარჯვენა ჰუკი მოსცხო და ვენესუელელი მესამედ დაეცა რინგზე.
ასე რომ, მჩატე წონაში WBA-ის ვერსიით ახალი ჩემპიონი ახალგაზრდა ამერიკელი გახდა, რომელსაც სპეციალისტები დიდ მომავალს უწინასწარმეტყველებენ.
* * *
კიდევ ერთი საჩემპიონო ბრძოლა გაიმართა მექსიკის ქალაქ მერიდაში, სადაც WBC-ის ტიტული შეინარჩუნა პირველ მჩატე წონაში გილბერტო კებ ბაასმა (35-20-4, 22KO). პრეტენდენტი იყო ხოსე ანტონიო აგირე (35-10-1, 21KO).
აღსანიშნავია, რომ მოკრივეების ძალის მიხედვით ეს ჩხუბი ჯერ კიდევ დაწყებამდე მონათლეს ისტორიაში ერთ-ერთ ყველაზე სუსტ სატიტულო ბრძოლად. თუნდაც იმიტომ, რომ ჩემპიონს კარიერაში 20 ბრძოლა აქვს წაგებული. ასეა თუ ისე, ჩემპიონის რანგში პირველი გამარჯვება 33 წლის მექსიკელმა კებ ბაასმა მოიპოვა, რომელმაც მეტოქე აიძულა აღარ გასულიყო რინგზე მერვე რაუნდში.
.
