20 წელზე მეტია კორეა დომინირებს მშვილდოსნობაში, მაგრამ მთელი ამ დროის განმავლობაში ამ ქვეყანამ ვერაფრით მოახერხა ოლიმპიადაზე კაცებს შორის ინდივიდუალური პირველობის მოგება.და აი, 3 აგვისტოს, ნავსი გატეხა დინ-ჰიეკ ომ. ეს გამარჯვება კორეელებისთვის პრესტიჟის საქმეც იყო.
როგორც გახსოვთ, მათ ლონდონში გუნდური პირველობა წააგეს იტალიასთან, რითაც ამ ოლიმპიადაზე ასპროცენტიანი მაჩვენებელი ვერ დააფიქსირეს.
სხვათა შორის გუშინდელი შეჯიბრი კორეისთვის ცუდად დაიწყო - პირველ ნომრად განთესილი ჰიუნ-დონ იმი ჰოლანდიელ სენსაციასთან რიკ ვან დერ ვენთან პირწმინდად დამარცხდა - 1:7.
საბოლოოდ, სენსაციის ავტორმა ნახევარფინალამდე მიაღწია, მაგრამ უფრო
სხვათა შორის ამ უკანასკნელმა თავის ქვეყანას პირველი ინდივიდუალური მედალი მოუტანა სპორტის ამ სახეობაში. ვან დერ ვენმა კი ვერ გაიმეორა თავისი მწვრთნელის - ვიტსე ვან ალტენის შედეგი. ამ უკანასკნელმა 12 წლის წინ, სიდნეის ოლიმპიადაზე მოიგო ბრინჯაო.
რაც შეეხება ფინალს, იქ ბრძოლა არ ყოფილა. ომ 7:1 გაანადგურა იაპონელი ტაკაჰარუ ფურუკავა. მშვილდოსანთა ტურნირი დასრულდა და კორეის ნაკრები სამი ოქროთი ბრუნდება სამშობლოში.
კაცები
ინდივიდუალური
1/8 ფინალი
ხაირულ ანუარ მოჰამადი (მალაიზ)-ლარი გოდფრი (ბრიტ) 6:5; ტაკაჰარუ ფურუკავა (იაპ)-ბაარდ ნესტენგი (ნორ) 6:2; ჩენ-ვეი კუო (ტაივ)-მარკიან ივაშკო (უკრ) 6:0; რიკ ვან დერ ვენი (ჰოლ)-ჰიუნ-დონ იმი (ს. კორ) 7:1; დინ ჰიეკ ო (ს. კორ)-რაფალ დობროვოლსკი (პოლ) 6:0; ვიქტორ რუბანი (უკრ)-გაელ პრევოსტი (საფ) 6:4; სიაოსიან დაი (ჩინ)-ტეილორ უორთი (ავსტრა) 6:5; ბუბმინ კიმი (ს. კორ)-დან ოლარუ (მოლ) 7:1.
1/4 ფინალი
ტაკაჰარუ ფურუკავა (იაპ)-ხაირულ ანუარ მოჰამადი (მალაიზ) 6:2; რიკ ვან დერ ვენი (ჰოლ)-ჩენ-ვეი კუო (ტაივ) 6:0; დინ ჰიეკ ო (ს. კორ)-ვიქტორ რუბანი (უკრ) 7:1; სიაოსიან დაი (ჩინ)-ბუბმინ კიმი (ს. კორ) 6:5;
1/2 ფინალი
ტაკაჰარუ ფურუკავა (იაპ)-რიკ ვან დერ ვენი (ჰოლ) 6:5; დინ ჰიეკ ო (ს. კორ)-სიაოსიან დაი (ჩინ) 6:5.
მე-3 ადგილისთვის
სიაოსიან დაი (ჩინ)-რიკ ვან დერ ვენი (ჰოლ) 6:5;
ფინალი
დინ ჰიეკ ო (ს. კორ)-ტაკაჰარუ ფურუკავა (იაპ) 7:1.
ყოველდღიური სპორტული გაზეთი "ლელო"
