კიევში დამთავრდა სახელოვანი უკრაინელი მხატვრული ტანმოვარჯიშის, ორგზის მსოფლიო ჩემპიონის, ირინა დერიუგინას თასის გათამაშება, რომელშიც 14 წლის ქართველმა სპორტსმენმა გაბრიელა ხვედელიძემ რგოლით ვარჯიშში ბრინჯაოს მედალი მოიპოვა, გურზებით კი - მე-4 ადგილს დასჯერდა. უკრაინაში გამგზავრებამდე გაბრიელამ სალომე ფაჟავასთან ერთად მოსკოვის გრან პრიზე გუნდურში მე-3 ადგილი დაიკავა. მარტის მიწურულს ჩვენი ტანმოვარჯიშეები ეროვნულ ჩემპიონატში ჩაებმებიან, სადაც გაირკვევა იმ სამი საუკეთესოს ვინაობა, რომლებიც 1-3 ივნისს ნიჟნი ნოვგოროდში ევროპის ჩემპიონატზე გამოსვლის უფლებას მიიღებენ.
ყოველდღიური სპორტული გაზეთი "ლელო"
