წარუმატებლად იასპარეზა ქართულმა გუნდმა ჯგუფურ ვარჯიშშიც (მწვრთნელი -თინათინ ნადირაშვილი). ჩვენი ტანმოვარჯიშეები (თეონა ხელაია, ქეთევან ასიტაშვილი, ირინე ხოფერია, რომინა ბოჟილოვა, მარტინა გროზევა) 29 გუნდს შორის 25-ე ადგილს დასჯერდნენ - 43,150 ქულა. შედეგად, საქართველოს ნაკრები, რომელშიც ასევე ორი ნატურალიზებული
ახალი დებულების თანახმად, ლიცენზიისთვის მონპელიეში, მოსკოვში გამართული მსოფლიოს ჩემპიონატის 24 საუკეთესო გუნდი იბრძოლებს. იქ კი ლიცენზიას ექვსი საუკეთესო ნაკრები მიიღებს. დარჩენლი ოთხი ლიცენზია კი 2012 წლის იანვარში გათამაშდება.
გართულებულია ლიცენზიის მიღების პროცესი ერთეულთა თანრიგშიც. მონპელიეში 15 ლიცენზია გათამაშდება. დარჩენილ ხუთ ლიცენზიას ტანმოვარჯიშეები აქაც 2012 წლის იანვარში გაითამაშებენ.
საქმეს ისეთი პირი უჩანს, რომ საქართველო მხატვრულ ტანვარჯიშში ზედიზედ მესამე ოლიმპიადას გამოტოვებს. სპორტის ამ სახეობაში შექმნილი ვითარება საჭიდაო სახეობებზე არანაკლებ საგანგაშოა და ერთ დროს მსოფლიოს ავანგარდში მყოფი ქართული სატანვარჯიშო სკოლა, ამჟამად მაჩანჩალებს შორისაა.
