ბელგრადში გუშინ დაიწყო ევროპის ჩემპიონატი ტყვიისა (სპორტული პისტოლეტიდან 25-მეტრიან დისტანციაზე) და სასტენდო სროლაში.პნევმატურში გაზაფხულზე ჩატარდა იტალიურ ბრეშიაში. ბელგრადში საქართველოდან მხოლოდ ორი მსროლელი გამოვა - ევროპის, მსოფლიოსა და ოლიმპიური ჩემპიონი ნინო სალუქვაძე და ლევან ქადაგიძე. მესტენდურთა ჩემპიონატში მრგვალ სტენდზე მაია გუბიევა ისვრის, სასანგრეზე კი ვაჟთა სრული გუნდით გამოვალთ - დავით ქვათაძე, გივი შენგელია და პავლე ლაკია. სალუქვაძემ, ქადაგიძემ და გუბიევამ მოსამზადებელი შეკრება ბაქოში გაიარეს, ლაკია კი მოსკოვიდან ჩავიდა, რადგან იქ ცხოვრობს.
მესტენდურები უკვე სერბეთში არიან, ტყვიის მსროლელები კი ხვალ გაფრინდებიან.
ყოველდღიური სპორტული გაზეთი "ლელო"
