ათენის ოლიმპიურ ბაზებზე სპეციალურ ოლიმპიურ თამაშებში 180 ქვეყნის 7200 წარმომადგენელი ეცილებოდა ერთმანეთს პირველობას სპორტის 22 სახეობაში. მოასპარეზეთა შორის იყვნენ საქართველოს წარგზავნილები (დელეგაციის ხელმძღვანელი ჟანა გოცირელი), რომლებმაც საბერძნეთის დედაქალაქში 3 ოქროს, 1 ვერცხლისა და 2 ბრინჯაოს მედალი დაიმსახურეს. კვარცხლბეკის უმაღლეს საფეხურებზე ავიდნენ მარიამ ქურდოვანიძე (100 და 200 მ. რბენაში) და ავთანდილ მჭედლიშვილი (100 მ). ჩოგბურთში მხოლოდ ფინალური ორთაბრძოლა დათმო და მეორე ადგილზე გავიდა გიორგი ვეფხვაძე, ხოლო ავთანდილ მჭედლიშვილი (200 მ) და ნორა მელიტონიანი (ჩოგბურთი) ბრინჯაოს მედლებს დასჯერდნენ.
საქართველოს სპორტსმენებს სპეციალურ ოლიმპიურ
ყოველდღიური სპორტული გაზეთი "ლელო"
