"თბილისი 2015"-ის მოხალისეები სტუდენტთა საერთაშორისო დღეს აღნიშნავენ

17 ნოემბერს "თბილისი 2015"-ის რეგისტრირებული მოხალისეები სპორტკომპლექს "არენა 2"-ში სტუდენტთა საერთაშორისო დღეს აღნიშნავენ.

ევროპის ახალგაზრდული ოლიმპიური ფესტივალის, "თბილისი 2015"-ის დაწყებამდე 7 თვე დარჩა.

აქტიურად მიმდინარეობს პრეზენტაციები ახალგაზრდებთან და დაინტერესებული მოხალისეების რეგისტრაცია.

17ნოემბერს - სტუდენტთა საერთაშორისო დღეს, "თბილისი 2015"-ის საორგანიზაციო კომიტეტი მოხალისე სტუდენტებისთვის აწყობს გასართობ ესტაფეტას. ორგანიზებული იქნება მხიარული სტარტები, სადაც 12 კაცისგან შემდგარი 6 სხვადასხვა გუნდი, 6 უნივერსიტეტიდან შეეჯიბრება ერთმანეთს.

ღონისძიება ხელს შეუწყობს ახალგაზრდებში ჯანსაღი ცხოვრების წესის პოპულარიზაციას და სპორტულ აქტივობებში მათ ჩართულობას. ღონისძიებაში გამარჯვებული გუნდები მიიღებენ პრიზებს ფესტივალის სპონსორებისგან.

ყველა ახალგაზრდას აქვს შესაძლებლობა, გახდეს "თბილისი 2015"-ის მოხალისე და მიიღოს მონაწილეობა საორგანიზაციო კომიტეტის მიერ დაგეგმილ სპორტულ და გასართობ ღონისძიებებში.

აღვნიშნოთ სტუდენტთა საერთაშორისო დღე ერთად!

გელოდებით 16:00-18:00 საათზე სპორტკომპლექს "არენა 2"-ში. მისამართი: უნივერსიტეტის ქუჩა 2.

"თბილისი 2015"-ის პრესსამსახური