ამერიკის შეერთებული შტატების ეროვნულმა ოლიმპიურმა კომიტეტმა 2024 წლის ზაფხულის თამაშების კანდიდატად ქალაქი ბოსტონი აირჩია.ბოსტონმა ეროვნული კონკურსი მოუგო ვაშინგტონს, სან ფრანცისკოსა და ლოს ანჯელესს. აშშ-ის პრეზიდენტმა ბარაკ ობამამ მიულოცა ბოსტონს ამერიკის მხრიდან კანდიდატად დასახელება.
ბოსტონს რამდენიმე სერიოზული კონკურენტი ეყოლება 2024 წლის ოლიმპიადისთვის ბრძოლაში. კანდიდატ ქალაქებში არიან: ბერლინი, სტამბოლი, მელბურნი, სანკტ-პეტერბურგი, ნაირობი და იოჰანესბურგი.
ამერიკის შეერთებულ შტატებში მიაჩნიათ, რომ 2024 წელს მათთან ზაფხულის თამაშების ჩატარების შანსები მაღალია, რადგან უკვე 28 წელია ჩრდილოეთ ამერიკაში ზაფხულის ოლიმპიადა არ ჩატარებულა.
ყოველდღიური სპორტული გაზეთი "ლელო"
