ლონდონის ოლიმპიურ თამაშებამდე უფრო და უფრო ცოტა დრო რჩება. ოთხწლეულის ამ შემაჯამებელ, ყველაზე გრანდიოზულ სპორტულ ფორუმზე სპორტულ შესაძლებლობებთან ერთად ყველა ცდილობს საკუთარი ქვეყანა თამაშების ათიათასობით სტუმარს განსხვავებული კუთხითაც დაანახოს, ამის საუკეთესო საშუალება კი ტრადიციულად, ოლიმპიადის დედაქალაქში ეროვნული სახლის მოწყობაა.საქართველოს ეროვნულმა ოლიმპიურმა კომიტეტმა თადარიგი ნაადრევად დაიჭირა და ლონდონის პრესტიჟულ რაიონში ფეშენებელური შენობა შეარჩია. მფლობელებთან მოლაპარაკებები დადებითად გადაწყდა. სეოკ-ის პრეზიდენტი გია ნაცვლიშვილი ლონდონში გაემგზავრა და ხელშეკრულებას ხელი 1 მარტს მოეწერება. "ქართული სახლი" ბინას ნიმბურკის 45 ნომერში, ჩელსის უბანში დაიდებს.
"ძალზედ მნიშვნელოვანია,
როგორც ცნობილია, თბილისში 2015 წელს ევროპის ახალგაზრდული ზაფხულის ოლიმპიური ფესტივალი გაიმართება. ამასთან დაკავშირებით ნისლიანი ალბიონიდან სეოკ-ის პრეზიდენტი რომში გადაინაცვლებს, სადაც ევროპის ოლიმპიური კომიტეტების შტაბ-ბინაში ფესტივალის მასპინძელ ქალაქთან ოფიციალურ კონტრაქტი გაფორმდება. დოკუმენტს ხელს ეოკ-ის პრეზიდენტი პატრიკ ჰიკი, თბილისის მერი გიგი უგულავა და ოლიმპიური კომიტეტის პრეზიდენტი გია ნაცვლიშვილი მოაწერენ. ცერემონიალს ასევე დაესწრება სეოკ-ის პირველი ვიცე-პრეზიდენტი რამაზ გოგლიძე.
სეოკ-ის პრესსამსახური
