ბრიტანელმა შემსრულებელმა ედ შირანმა განაცხადა, რომ ლონდონის ზაფხულის ოლიმპიური თამაშების დახურვის ცერემონიაზე, რომელიც 12 აგვისტოს გაიმართება, ჯგუფ Pink Floyd-თან ერთად გამოვა.ადრე შირანმა უკვე გადაუკრა სიტყვა ჟურნალისტებს, რომ ოლიმპიადის დახურვაზე ძალიან ცნობილ ბრიტანულ ჯგუფთან დუეტში იმღერებდა. ამასთან დაკავშირებით პრესაში გაჩნდა ვარაუდი, რომ მუსიკოსი The Who-სთან ერთად გამოვიდოდა.
თუმცა ამჯერად დააზუსტა, რომ სწორედ Pink Floyd-თან ერთად იმღერებს. ლეგენდარულ კოლექტივთან ერთად შირანი კომპოზიცია "Wish You Were Here"-ს შეასრულებს, ჯგუფის 1975 წლის იმავე სახელწოდების ალბომიდან.
შირანის თქმით, მასთან ერთად სცენაზე Pink Floyd-ის ცოცხლად
მოსალოდნელია, რომ შირანის და Pink Floyd-ის გარდა, ოლიმპიადის დახურვის ცერემონიაზე, რომელზეც აქცენტი, ძირითადად, ბრიტანულ მუსიკაზე იქნება გაკეთებული, ჯგუფები: Muse, Take That, The Who და სხვა შემსრულებლებიც გამოვლენ.
