ბელარუსის პრეზიდენტი ალექსანდრ ლუკაშენკო აცხადებს, რომ თავისი ქვეყნის სპორტულ ჩინოვნიკებთან ოლიმპიური შედეგების შეჯამების დროს, სერიოზული გარჩევები ექნება. პრეზიდენტის თქმით, ბელარუსები, ისევე როგორც რუსები, ჯერჯერობით სამარცხვინოდ გამოდიან ოლიმპიადაზე.
ლუკაშენკომ აღნიშნა, რომ რუსმა სპორტსმენებმა საკმაოდ ბევრი მედალი მოიპოვეს, მაგრამ არა იმდენი, რამდენიც თავად სურდათ. იგივე ითქმის ბელარუს სპორტსმენებზეც, - ამბობს პრეზიდენტი.
ბელარუსის პირველმა პირმა ისიც დაამატა, რომ ელიტური სპორტი თავიდან ბოლომდე კორუმპირებულია. ლუკაშენკოს სიტყვებით, ოლიმპიური შეჯიბრებების მსაჯები "ფულს იღებენ და გამარჯვებას ანიჭებენ იმას, ვინც მეტი გადაიხადა".
ლუკაშენკოს აღშფოთება გამოიწვია ისტორიამ ბელარუსი მძლეოსნის
"აი, ასეთია დღევანდელი სპორტი - ეს არ არის პოლიტიკა, ეს არის სიბინძურე და კორუპცია ყველა მიმართულებით, სადაც კი ეს შესაძლებელია", - ამბობს ბელარუსის პრეზიდენტი.
2012 წლის თამაშებზე ბელარუსის ნაკრებს მოგებული აქვს სამი ოქრო, სამი ვერცხლი და ოთხი ბრინჯაო.
ყოველდღიური სპორტული გაზეთი "ლელო"
