ლონდონის 2012 წლის ოლიმპიადა დასრულდა. მოპოვებული მედლების რაოდენობითა და სინჯით პირველი ადგილი აშშ-მა დაიკავა.ამერიკელებმა ჯამში 104 მედალი მოიპოვეს, აქედან 46 ოქრო და 29-29 ვერცხლი-ბრინჯაოა. მეორე პოზიცია დაიკავა ჩინეთის დელეგაციამ, რომელსაც სულ 87 მედალი აქვს, საიდანაც 38 ოქროა.
მესამე ადგილი ოლიმპიადის მასპინძელ დიდ ბრიტანეთს ერგო; მეოთხე პოზიცია 82 მედლით - რუსეთს; საუკეთესო ხუთეული კი სამხრეთ კორეამ შეკრა, რომლის ანგარიშზე 28 მედალია, საიდანაც 13 ოქროა.
რაც შეეხება საქართველოს ოლიმპიურ დელეგაციას, ქართველმა სპორტსმენებმა ჯამში 7 მედალი აიღეს.
ოლიმპიური თამაშების დახურვის ცერემონია 12
90-იან წლებში პოპულარული ბრიტანული ჯგუფის გრანდიოზული დაბრუნება ლონდონის ზაფხულის 2012 წლის ოლიმპიადის დახურვის ცერემონიალის მთავარ მოვლენად იქცა.
ჯგუფმა გამოსვლა თავისი ყველაზე ცნობილი ჰიტით, Wannabe-თი დაიწყო. ვიქტორია ბექჰემი, ჯერი ჰოლიველი, მელ ბი, მელ სი და ემა ბანტონი - გოგონებმა სცენაზე ისეთივე ცეცხლი დაანთეს, როგორც ამას წლების წინ, მათი ყოველი გამოსვლის დროს აკეთებდნენ (იხილეთ ვიდეო).
აუდიტორია მონატრებულ ჰიტებს სიმღერითა და ცეკვით აჰყვა. მათ შორის იყვნენ დიდი ბრიტანეთის პრემიერ-მინისტრი დევიდ კამერონი და ლონდონის მერი ბორის ჯონსონი.
