ლაურეუსის სპორტულმა აკადემიამ გამოაქვეყნა პრემია Laureus World Sports Awards-ის ნომინანტთა სია. ამ პრიზს მეორენაირად "სპორტულ ოსკარს" უწოდებენ. ის გადაეცემა 2013 წლის საუკეთესო სპორტსმენს.მამაკაცებს შორის წლის საუკეთესო სპორტსმენის პრიზზე წარდგენილნი არიან: იამაიკელი სპრინტერი უსაინ ბოლტი, ბრიტანელი მორბენალი მო ფარა, ამერიკელი კალათბურთელი ლებრონ ჯეიმსი, ესპანელი ჩოგბურთელი რაფაელ ნადალი, პორტუგალიელი ფეხბურთელი კრიშტიანო რონალდო და გერმანელი პილოტი სებასტიან ფეტელი.
ქალებს შორის ნომინანტები არიან: ამერიკელი მოცურავე მისი ფრანკლინი, იამაიკელი მორბენალი შელი-ენ ფრეიზერ-პრაისი, სლოვენიელი სამთო-მოთხილამურე ტინა მაზე, ამერიკელი ჩოგბურთელი სერენა უილიამსი, რუსი მძლეოსანი ელენა ისინბაევა
წლის საუკეთესო გუნდის სტატუსისთვის იბრძოლებენ: რაგბიში ახალი ზელანდიის ნაკრები, საფეხბურთო კლუბი "ბაიერნი", ბრაზილიის საფეხბურთო ნაკრები, ამერიკელი ჩოგბურთელების - ბობ და მაიკ ბრაიანების დუეტი, საკალათბურთო გუნდი "მაიამი ჰიტი" და ფორმულა 1-ის საჯინიბო "რედ ბული".
პრემია Laureus World Sports Awards-ის რიგით მე-15 ცერემონია 26 აპრილს მალაიზიის დედაქალაქ კუალა ლუმპურში გაიმართება.
ყოველდღიური სპორტული გაზეთი "ლელო"
![დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]](/pictures/image7/b2cfc17d1326622d84ca254c293266ad.jpg "დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]")
