ტოკიოს 2020 წლის ზაფხულის თამაშების საორგანიზაციო კომიტეტმა ოლიმპიადისთვის მზადებისას მილიარდი დოლარის ეკონომია გააკეთა. ამის შესახებ წერს The Japan Times-ი.თამაშების ორგანიზატორებმა ხარჯების შემცირებას რამდენიმე შეჯიბრებისთვის ადგილის შეცვლის წყალობით მიაღწიეს. იაპონელებმა სხვა ადგილას გადაიტანეს ნიჩბოსნობის სლალომი. გარდა ამისა, გადაწყვიტეს, კალათბურთისა და ცხენოსნობის ტურნირები უკვე აშენებულ ობიექტებზე ჩაატარონ. ამ სამმა ცვლილებამ იაპონურ მხარეს მილიარდი დოლარის დაზოგვის საშუალება მისცა.
გამოცემა აზუსტებს, რომ საერთაშორისო ოლიმპიურმა კომიტეტმა მოიწონა ეს ინიციატივები. თავდაპირველი გათვლებით, ოლიმპიადის ჩატარებისთვის 3.8 მილიარდი დოლარი იყო საჭირო, ახლა კი იაპონიის მთავრობა ამ თანხის
ტოკიომ 2020 წლის ოლიმპიადის მასპინძლობის უფლება 2013 წლის სექტემბერში მოიპოვა. იაპონიის დედაქალაქში ზაფხულის თამაშები 2020 წლის 24 ივლისს დაიწყება და 9 აგვისტოს დასრულდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
