ფოთში ნანა ალექსანდრიას თასის გათამაშების მთავარ ტურნირში გუშინ ლიდერებმა ქულები გაიყვეს. მშვიდობიანად დაშორდნენ ერთმანეთს სამქულიანები: ბაჩანა მორჩიაშვილი-ლევან ფანცულაია, დავით შაჰინიანი (ერევანი)-დავით ზარქუა, ირაკლი ბერაძე-ივერი ჭიღლაძე. მეწინავეთა წაფორხილებით ისარგებლეს კონსტანტინე შანავამ, დავიდ კალაშიანმა, ალა ვახანიამ და ალექსანდრე ყაშაშვილმა, რომლებმაც, შესაბამისად, არტურ ყარაგოზიანი (ერევანი), არმან მიქაელიანი (სომხეთი), დავით ლომსაძე და შალვა ნადირაშვილი დაამარცხეს და მათაც 3,5-3,5 ქულა მოაგროვეს.დღეს მე-5 ტურში ინტერესს იწვევს ფანცულაია-ყაშაშვილის, ვახანია-შანავას, ზარქუა-მორჩიაშვილის, კალაშიან-ბერაძისა და ჭიღლაძე-შაჰინიანის ორთაბრძოლები.
ალექსანდრიას თასზე ასაკების მიხედვით, როგორც გაუწყეთ, 8, 10 და 12 წლის გოგო-ბიჭებიც
8-წლიან გოგონებში 4 ტურის შემდეგ უდანაკარგოდ სოფიკო გოგინავა და თამარ ესაძე ლიდერობენ, ბიჭებში შოთა ხოდაშნელი და ნიკოლოზ კაჭარავა მოექცნენ გათამაშების ცხრილის სათავეში.
10-წლიანებში ქულათა მაქსიმუმი მოაგროვეს გვანცა მარგველაშვილმა, ელენე კოსტავამ და კოკა ბუკიამ.
12-წლიან გოგონებში გუშინ ერთმანეთთან დაზავებით ნახევარ-ნახევარი ქულა დაკარგეს თეა ჭოლაძემ და ნარმინ მამადოვამ, თუმცა ლიდერობა მაინც შეინარჩუნეს. ბიჭებში 4 ქულით პირველ ადგილზეა ირაკლი ახვლედიანი. ნახევარ-ნახევარი ქულით ნაკლები მოაგროვეს ლუკა ლიჩელმა და გიორგი ბოტკოველმა.
დღეს მე-5 ტურის პარტიები გაიმართება.
ყოველდღიური სპორტული გაზეთი "ლელო"
